Di lûtkeya Afrîka-Rûsya de, şerê li Ukrayna rojeva sereke bû.
Bikirên sereke yên genimê Ukrayna, daxwazên xwe ji Serokê Rûsya Putin re gotin.
Lîderên Afrîka yên di lûtkeyê de amade bûn, bang li Putin kir ku şer bi dawî bike û vegere peymana genim.
Di lûtkeye Afrîka-Rûsyayê de şerê li Ukrayna weke rojeveke sereke derket pêş.
Serokê Komara Kongoyê Denis Sassou Nguesso di foruma ku di roja duyemîn a lûtkeyê de hat lidarxistin de axivî.
Nguesso diyar kir ku plana aştiyê ya ku meha borî ji aliyê lîderên Afrîqayê ve hatiye pêşkêşkirin hêjaye li ber çavan bê girtin û wiha got:
“Em bi lezgînî careke din ji bo vegera aştiya li Ewropa bang dikin.”
Serokê Afrîqaya Başûr Cyril Ramaphosa jî hêviya xwe ya bi tevlîbûn û danûstandinên çêker şer bidawî bike anî ziman.
Serokomarê Misirê Abdulfettah es-Sîsî ku yek ji bikirê sereke ên genim ên ji Behra Reş tê jî bang li Rûsyayê kir ku vegere Peymana Korîdora Genim a Derya Reş.
Sîsî got, “pêwîst e” ku li ser vê mijarê bigihîjin lihevkirinê.
Her çend rêberên Afrîqayê di lûtkeyê de rasterast Rûsya rexne nekiribin jî, di roja duyemîn a lûtkeyê de fikarên li ser bandora şer, bi taybetî bihayên xwarinê di rojevê de bûn.
Serokê AFB: Genim têrê nake, aştî pêwiste
Serokê Demî yê Yekîtiya Afrîkayê (AFB) Azali Assoumani, di axaftina xwe ya girtina lûtkeyê de bang li Rûsyayê kir ku şer bi dawî bike.
Assoumani bal kişand ser soza Putin a ji bo genim û wiha got:
“Serokê Rûsyayê peyam da ku ew dixwazin di temînkirina genim de alîkariya me bikin.
Belê, ev girîng e.
Lê dibe ku têrê neke.
Pêdiviya me bi agirbestê heye.”
“Niha divê em Ukrayna razî bikin”
Assoumani da zanîn ku Putin di lûtkeyê de ji wan re gotiye ew ji bo çareseriyê bi rêveberiya Kîevê re ji diyalogê re amade ne û got,
“Niha divê em aliyên din qanih bikin.”
Putin di axaftina xwe ya li lûtkeyê de destnîşan kir ku Rûsyayê her tim diyar kiriye ew ji ber “rastiyên nû” ji danûstandinan re vekirî ne û aliyê danûstandinan naxwaze Ukrayna ye.
Ji aliyeke din ve rêberê Rûsiyê ragihand ku bi armanca pêşxistina hêza parastinê yên welatên Afrîqayê bi zêdetir ji 40 welatên Afrîqayê re peymanên hevkariya leşkerî hatin îmzekirin.
Putin bi bîr xist ku welatên Afrîkayê ji bo parastina ewlehî û serweriya welatên Afrîqayê gelek çek û teknolojiya leşkerî ku hin ji wan belaş in, dane.
