Dayika Xezal Huseyn û Xwedêda Hesen Şêx Xidir du şahidên Fermana 74’an in.
Her du şahidên komkujiyê dibêjin:
“Me rojên gelek zehmet derbas kirin. Heke tifaqa me hebûya, dê dijmin nekariye ewqas qirkirinê bike.”
Bi ser fermana 3’ê Tebaxa 2014’an re 9 sal derbas bûn lê birînên êzidiyan hêj jî nehatine dermankirin.
Dayika Xezal Huseyn û Xwedêda Hesen Şêx Xidir du şahidên fermana dawî ne.
Xezal Huseyn û Xidir behsa şahidiya xwe ya fermanê kirin.
Dayika Xezal: Di hemû newalan de cenaze hebûn
Dayika Xezal Huseyn yê 90 salî heta niha Dayika Xezal bûye şahidê gelek fermanan.
Dayika Xezal dibêje ku tiştên di dema fermana dawî de dê tu carî ji bîr neke û wiha got:
“Dema çeteyên DAIŞ’ê bi ser me de hatî, komkujiyeke mezin kir. Di hemû newalan de cenaze hebûn.
“Pêşmergeyan cilên xwe avêtibûn newalan û reviya bûn”
Pêşmergeyan cilên xwe ji xwe kiribûn, avêtibûn wan newalan û reviya bûn.
Ji bo xwe ji DAIŞ’ê biparêzin em bi rojan meşiyan. ”
Dayika Xezal anî ziman ku di dema koçê de tenê kincên wan li ser hebûn û wiha qala wan rojan kir:
“Heke DAIŞ’ê em nekuştibûna jî dê em ê ji birçan bimiriyan”
“Piştre jî DAIŞ kete Sinûnê û êrişî her derê kir. Herkes ketibû derdê canê xwe. Nan xela bû.
Heke DAIŞ’ê em nekuştibûna jî dê em ji birçan bimiriyan.
Bi domdar dayika Xezal diyar kir ew jî di nav de gelek jin, zarok û ciwan bi pêya derbasî Rojava bûn û got:
Di her gava me diavêt de cenazeyek li erdê bû. Ma ez ê wan rojan çawa ji bîr bikim?”
Dayika Xezal: Tişta ku me biparêze tifaqiya me ye
Li dijî komkujiyan dayika Xezalê bal kişand ser yekitiya civaka êzidî û ev bang kir:
“Tekane hêzek heye ku êzidiyan ji êrişan biparêz e. Ew jî tifaqiya wan e.
Heke em tifaq bin û me pêşengiya civaka xwe kir, wê demê kesek bi me nikare.
Hesen Şêx Xidir: Di dîroka me de fermana herî mezin a 74’an e
Ji şahidên Komkujiyê Xwedêda Hesen Şêx Xidir jî anî ziman di dîroka êzdatiyê de fermana herî mezin fermana 74’an e.
Hesen Şêx Xidir got ku kesekî bawer nedikir ku fermaneke bi vî awayî çêbibe û ev tişt anî ziman:
“Heke êzidî wê demê birêxistinkirî tifaq bûna dê qirkirineke wiha mezin çênebûya.
Dar heke zirav be dişikê. Heke ya bi qewet be naşikê.
“Pêşmergeyan bêyî pereyan destûr nedidan em derbas bibin”
Xidir her wiha bal kişande ser rista PDK’ê ya di qirkirinê de û got:
Di dema fermanê de peşmergeyan beyî pereyan destûr nedan ew derbas bibin
Şêx Xidir: Tişta ku em kuştin bê tifaqbûyîn bû
Şêx Xidir anî ziman tişta ku li ber komkujiyê vekir bê tifaqbûyîn û parçebûn bû.
Şahidê Fermana 74’an Şêx Xidir jî di dawiyê de daxwaz ji hemû hêzên Kurdistanî kir ku bibin yek û rê nedin dagirkeriya dijminan.
https://youtu.be/happnVwS8OY
