Pisporê çavkaniyên avê Terad Şêx Îbrahîm diyar kir ku ji ber zêdebûna kolandina bîran metirsiya zuhabûnê li Hesekê derketiye holê û got ” Niha ji xwe çend bîr zihûbûne, asta ava di bîran de daketiye, ev yek ji bo demê pêş xeteriyek mezin bîne.”‘
Dewleta Tirk a dagirker û çeteyên wê ji sala 2019’an ve ava stasyona Elokê li ser Hesekê qut kirye bi vê yekî jî şênî neçar man ku bîran bikolin û pêwistiya sereke a jiyanê peyda bikin.
Hejmara zêde ya kolandina bîran bi xwe re xeteriya daketina asta ava bin erdê anî.
”Metirsî heye ku ji Başûr heya Bakurê bajêr bibe çol”
Pisporê çavkaniya avê Terad Şêx Îbrahîm têkildarî mijarê axivî û got:
“Ji niha ve gelek bîr zûha bûn, ev zuhabûn wisa berdewam bike metirsî hene ku başûr heta bakurê bajar bibe çol”
Hejar Mele Silman yek ji xwediyên tankereke avê jî ev nirxandin kirt:
“Beriya niha tankerek di kêmî 10 deqeyan de tije dibû, lê niha ji ber kêmbûna asta ava bîran em zêdetirî nîv saetekê li bende dimînin heta tanker tije dibe.”
”Li hin taxên bajar bîr bi tememî zuwa bûne”
Mihemed El Xalid jî yek ji xwediyê tankereke avê ye ku li bajarê Hesekê kar dike destnîşan kir ku li hin taxan bîr bi temamî zuwa bûne.
El Xalid da zanîn ku metirsiyên mezin li ser bajarê Hesekê hene, ji ber ku av yek jê hêmanên sereke yên jiyanê ye.
Pisporê di ware çavkaniyên avê û zuwabûnê Terad Şêx Îbrahîm têkildarî mijar destnîşan kir ku şêniyên Hesekê ji ber qutkirina ava stasyona Elok bi pirsgirêkên mezin re rû bi rû ne.
Terad di dawiyê de got:
“Asta xetereyê nayê wesifandin, zuwabûn dê bandorê li tevahî bajar, xweza, jîngeh û binsaziya bike.”
