Wezîrê Karê Derve yê Amerîka Blinken îdia kir ku çekdarên Rûsya yên kirêkirî Wagner, piştî darbeyê ji rewşa aloz sûdê digrin.
Serokomarê Nîjerê Mihemed Bazûm piştî derbeya leşkerî ya beriya nêzî du heftean li welatê rojavayê Afrîkayê hat kirin, hat binçavkirin.
Ji wê demê ve welat di bin desthilatdariya cûntayê de ye.
Îdîa hene ku derbekaran ji Wagnerê alîkarî xwestiye.
Wezîrê Karên Derve yê Amerîka Antony Blinken di nirxandinên xwe yên di BBC de got;
Em nafikirin ku Rûsya yan jî koma Wagner derbeya li Nîjerê pêş dixe.
Lê hewl da sûdê werbigirin.”
Amerîka û Fransa bi îdiaya şerê li dijî komên tundraw, navendên xwe li Nîjerê hene.
Dema ku leşkerên Fransî piştî derbeya li Malîyê ji welêt derketin, Nîjer wekî baregeha xwe ya bihêz bikar anî.
Li Afrîka bi hezaran leşkerên Wagner hene
Tê texmînkirin ku Wagner bi hezaran çekdarên xwe li welatên wekî Komara Afrîkaya Navîn (OAC) û Malîyê hene.
Ev Kom têkiliyên dîplomatîk û aborî yên Rûsya, herwiha berjewendiyên bazirganiyê yên li herêmê xurt dikin.
Çekdarên vê komê bi binpêkirina berfireh a mafên mirovan li çend welatên Afrîqayê tên tawanbarkirin.
Nuland: Danûstandinek zehmet û eşkere pêk hat
Roja Duşemê, Alîkara Wezîrê Karên Derve ya Amerîka Victoria Nuland got;
Wê danûstandinên “zehmet û eşkere” bi rêberên derbeyê re kirine.
Hebûna çekdarên Wagner li Nîjerê heta niha nehatiye piştrastkirin.
Ketina şervanên Wagner bo Nîjer, di vê demê de nehatiye piştrast kirin.
Wagner: 1500 Leşekrên me derbasî Afrîka bûne
Lê di kanala Telegramê ya sereke ya girêdayî Wagnerê de, Gray Zone roja Duşemê di postekê de got;
Vê dawiyê dora 1,500 çekdarên Wagnerê bo Afrîkayê hatine şandin.
Lê ev leşker şandine kîjan welatî, nehat eşkerekirin.
Fermandarê Wagnerê, Yevgeni Prigojin, di peyama dengî ya ku doh weşandî de, bang li cûntayê kir ku “wan vexwînin welêt”.
Cûnteya leşkerî hevdîtina li gel ECOWAS û ny red kir
Li aliyekî din, hikumeta Nîjerê hevdîtina li gel şandeyekê ji nûnerên Afrîkaya Rojava ECOWAS, Yekîtiya Afrîka û NY red kir.
Cûnteyê diyar kir ku ji ber ewlehiyê, wan hevdîtin nexwestiye.
ECOWAS a ku heta roja Yekşema borî dem dabû rêveberiya cûntayê ku îstifa bike û Bazûm vegerîne ser desthilatdariyê, wê roja Pêncşemê dîsa bicive.
Piştî derbeyê, hikûmeta Nîjerê Elî Mahaman Lamîne Zeine, wezîrê berê yê darayî yê wî welatî, wekî serokwezîrê nû destnîşan kir.
