Brîtanyayê rêze cezayên nû li dijî kes û şirketên ku ew bi piştgirîkirina Rûsyayê di şerê Ukraynayê de tawanbar dike, ferz kir.
Di lîsteya cezayan de, du şîrketên ku li Tirkiyê jî hene.
London ji kesên di şerê li Ukraynayê de piştevaniya Rûsya dikin bihêrs e.
Bi vê hêrsê ceza li şirket û kesên nû yên piştevaniya Rûsya dike ferz kirin.
Di nava 25 cezayan de, şirketên Tirkiye, Îran, Belarûs, Slovakya, Îmarat û Swîsreyê hene.
London îdia dike, ew çek û avalên ku dikarin li dijî Ukraynayê werin bikaranîn didin Rûsyayê û got:
Piştgiriya şerê neqanûnî yê li Ukrayna dikin.
Wezîrê Karên Derve yê Brîtanya James Cleverly doh got:
“Sezayên dîrokî yên îro, wê cebilxaneya Rûsyayê bêtir kêm bike û rê li ber tora zincîra dabînkirinê ya pişta pîşesaziya parastina Putin a lewaz bûyî digire, bigre, .”
7 rêveberên îxalata mîkroelektronîk a ku navenda wê li Tirkiyê ye ku di Sibata borî de bûn armanca cezayên Amerîkayê jî di lîsteya cezayan de ne.
Wezîr Cleverly ev tişt anî ziman:
Du şirketên li Tirkiyê, di hinardekirina mîkroelektronîkên ku ji bo çalakiyên leşkerî yên Rûsya li Ukraynayê pêwîst in, rolek lîst.
Hate diyarkirin ku cezayên dawî yên hatine ragihandin, ji despêka şerê li Ukraynayê ve, cezayên herî mezin ên Brîtanya li kes û şirketan ferz kirine ne.
Hikumeta Brîtanyayê di nava şerê li Ukraynayê de, ceza li bêtirî 1600 kes û şîrketan sepandine.
Putin peymana bacê ya bi zêdeyî 30 welatan re rawestand
Ji aliyê din ve, Serokê Rûsyayê Vladimir Putin peymanên bacê yên bi zêdetirî 30 welatên ku Rûsya weke “nedostan” binav dikin re, rawestandin.
Biryara têkildar roja Sêşemê li ser portala qanûnî ya Rûsyayê hat weşandin.
Ev biryar bandorê li peymanên dûrxistina bacê ya ducarî, ku di navbera Amerîka û hin welatên Ewropî ku di nav de Almanya, Swîsre û Rûsyayê hene de, hatine îmzekirin, dike.
Moskow bi daxuyaniyekê ragihand ku “Li dijî berjewendîyên hiqûqî, aborî û yên din ên Federasyona Rûsyayê, peymanên bacê yên bi welatên peywendîdar re, hatine rawestandin.
Putin ferman da hikumetê ku pêşnûmeqanûna têkildar amade bike û pêşkêşî parlamentoyê bike.
Rûsyayê ragihand wan welatên ku mueyîdeyan li ser wê ferz dikin, xistine kategoriya “welatên nedost”.
