Amerîka bi welatên Rojhilatî re dixwaze hêza xwe ya li hemberî Çîn û Koreya Bakur xurt bike.
Koşka Spî civîna sêalî ya navbera Amerîka, Japonya û Koreya Başûr de bi “dîrokî” binav kir.
Amerîka, Japonya û Koreya Başûr wê di warê ewlehiyê de hevkariyê zêdetir bikin.
Qesra Spî civîna serokên her sê welatan li Camp David a nêzîkî Waşingtonê, wekî “lûtkeya dîrokî” bi nav kir.
Di civînê ku Serokê Amerîka Joe Biden, Serokwezîrê Japonya Fumio Kişida û Serokê Koreya Başûr Yoon Suk Yeol hatin gel hev de, lîderan li ser komek garantiyên ewlehiyê li hev kirin.
Li gor daxuyaniya Qesra Spî, sê serkirdeyên ku li ser danûstandina nêrînan li ser qeyranên ewlehiyê li hev kirine ev in;
Waşîngtonê biryar da ku di navbera Tokyo û Seulê de xeteke germ a awarte ava bike.
Lîderan her weha li hev kirin ku ji bo pirsgirêkên potansiyel ên di zincîreyên peydakirina wan de pergalek hişyariya zû saz bikin.
Serokên her sê welatan jî biryar dan ku ji niha û pê de her sal bi awayekî rêkûpêk bicivin.
Di civîna sêalî de “serdemek nû”
Serokê DYA’yê Biden di civîna çapemeniyê ya piştî lûtkeyê de axivî û diyar kir ku wan jî li hev kirine her sal tetbîqatên leşkerî yên hevpar bên lidarxistin.
Biden got:
“Ev hevdîtineke mezin bû…
Ev serdemeke nû ye ji bo hevkariya di navbera Japonya, Komara Kore û Amerîkayê de ye.”
Civîna li Camp David yekem lûtkeya Biden bû.
Beriya niha li wir civînên dîrokî pêk hatibûn.
Qesra Spî herwiha teqez kir ku ev yekemîn civîna “tenê” ya hikumetên Amerîka, Japonya û Koreya Başûr e.
Herêma Pasîfîkê, ku ji Hindistanê heta Oqyanûsa Pasîfîk dirêj dibe, di polîtîkayên Serokê Amerîkayê Biden de wekî pêşengiya sereke tê zanîn.
Japonya û Koreya Başûr ya derbarê Koreya Bakur û Çîn de armanca wan serweriya herêmê ye, fikarên wan ên ewlehiyê yên wekhev hene.
Ji ber vê yekê di vê nuqteyê de ji bo Amerîka du hevkarên girîng in.
Ceribandinên dawî yên moşekên Koreya Bakur bi taybetî ev hersê welat bihêrs kiribûn.
