Serokê Wagner Prigojin..
Piştî serokê Rûsya Vladimir Putin kesê herî zêde li nava welat hêza xwe dayî îspatkirin e.
Balafira ku navê Prigojin jî di nava lîsteya rêwiyan de bû.
Piştî ketina balafirê pirsa gelo Prigojin mir tê kirin?
Li ser bûyerê jî ji qada navnetewî nêrînên cuda derketin.
Nezelaliya li ser çarenûsa serokê koma Wagner Yevgeny Prigojin ê ku di lîsteya rêwiyan a balafira taybet a doh li Rûsyayê ketibû de, dewam dike.
Ajansa Veguhastina Hewayî ya Federal (Rosaviatsiya) ku ji hewaya sivîl a Rûsyayê berpirsyar e, ragihand ku di balafirê de 3 karmend û 7 rêwî hebûn.
Navên serokê Wagner Prigojin û fermandarê payebilind Dmitriy Utkin di nav rêwiyan de hene.
Lê belê ji saetên êvarê ve ji aliyê rayedarên Rûsyayê ve derbarê mijarê de tu daxuyanî nehat dayîn û bal kişand ku Serokê Rûsyayê Vladimir Putin di çalakiya ku lê amade bû de behsa mijarê nekir.
Hat ragihandin ku balafira şîrketa MNT-Aero ya ku xizmetên balafirên taybet dide, li herêma Tverê ya 200 kîlometre li bakurê rojavayê Moskowayê ketiye.
Her 10 kesên di balafirê de jiyana xwe ji dest dane.
Li ser bûyerê lêpirsîn hatiye despêkirin.
Grey Zone: Prigojin di balafira ketî de mir
Kanala Telegramê ya girêdayî Wagnerê Gray Zone yê Prigojin wekî “qehreman” û “welatparêz” pênasekirî, ragihand ku ew miriye.
di peyamê de hate gotin, Prigojin, ji hêla “xayînên Rûsyayê” ve hat kuştin.
Biden: Ez ji bûyerê şaş nemam
Ji DYA û Ukraynayê helwesta yekemîn a li ser nûçeyê mirina Prigojin hat.
Li ser îdiayên ku dibêjin Putin li pişt qezayê ye, Serokê Amerîkayê Joe Biden got,
“Ez bi rastî nizanim çi qewimî, lê ez şaş nabim.
Li Rûsyayê bêyî Putin pir tişt çênabin.
Lê ji bo rastiyê bizanim jî bi têra xwe agahî di destê min de nîne.”
Ukrayna: Hişyar bin, bêbawerî tê wateya mirinê
Serşêwirmendê Serokomarê Ukraynayê Volodymyr Zelensky Mixail Podolyak li ser mijarê daxuyaniyek belav kir.
Podolyak xistina balafirê wek “Peyama Putin a ji bo hêza Rûsyayê ya beriya hilbijartinên 2024’an” nirxand û got,
“Hişyar bin.
Bêbawerî tê wateya mirinê.”
Çekdarên Prigojin 23-24’ê Hezîranê li dijî Wezareta Parastinê ya Rûsya serhildan pêk anîn û ber bi paytext Moskowayê ve bi pêş ve çûn.
Prigojinê, bi navbeynkariya Serokê Belarûs Alexander Lûkaşenko li gorî peymana ku bi Moskowê re hatibû kirin çûbû Belarusê.
Di dawiyê de, roja Duşemê, vîdyoyek ku Prigojin li Afrîkayê nîşan dide li ser medyaya civakî hate belav kirin.
