Di lûtkeya 15. a lîderên Brezîlya, Rûsya, Hindistan, Çîn û Afrîkaya Başûr (BRICS) de, biryara berfirehbûnê hate girtin.
Tevî Erebîstana Siûdî û Îranê 6 welat tevlî blokê hatin kirin.
Lîderên welatên BRICS ku ji welatên pêşkeftî pêk tên, tevî Erebîstana Siûdî û Îranê 6 welat, vexwendibûn nava blokê.
Tevî Îran û Erebîstana Siûdî 6 welat tevlî BRICS bûn
Ew jî Erebistana Siûdî, Îmarat, Îran, Misir, Arjantîn û Etiyopya ne.
Di çarçoveya lûtkeya 15. a li Johannesburga Afrîkaya Başûr hat lidarxistin da lîderên Brezîlya, Rûsya, Hîndîstan, Çîn û Afrîkaya Başûr (BRICS) biryara berfirehkirina blokê dan.
Ev ji sala 2010’an ve yekem pêngava berfihrekirinê ye.
Lîderê Afrîkaya Başûr Cyril Ramaphosa ku mazûvaniya lûtkeyê kirî, ragihand ku wê 1’ê Çileya 2024’an berendamên nû wek endam bên qebûlkirin.
Li ser berfihrebûnê derza di nava BRICS de
Tevî ku hemû endamên BRICS bi eşkere piştgirîya xwe ji mezinbûna blokê re diyar kirin, di navbera rêberan de li ser ka wê berfirehbûn çiqasî û bi çi lez pêk were de nakokî heye.
Çîn pêşengiya ramana mezinbûnê dike û Rûsya û Afrîkaya Başûr jî piştgiriyê didin vê pêngavê.
Lê Hindistan bifikare ku BRICS a mezinbûyî wê komê bike klûbek a Çîn serdest e.
Brezîlya jî difikire ku ev mezinbûn wê Rojava ji hev dur bixe.
Endam wiha difikirin ku berfirehbûna BRICS, dikare li dijî serdestiya G-7 ya bi pêşengiya DYA di karûbarên cîhanê de, bike rikberekî xurt.
Her çend Riyadê şandeyek şand civînê jî, helwesta xwe ya li ser beşdarbûna potansiyel a BRICS’ê eşkere nekir.
Di vê navberê de, li gorî rayedarên Afrîkaya Başûr, bêtirî 40 welatan beriya lûtkeyê eleqeya xwe ji bo tevlîbûna BRICS nîşan dane.
Ji wan 22 welatan bo qebûlkirina fermî serlêdan kirine.
Namzetên mijara gotinê piranî ji welatên ku dijberiya xwe ya li dijî ‘hegemonyaya rojava’ îlan dikin e.
Bi vê biryarê re wê ji sala nû ve hejmara welatên endamên BRICS’ê bibe 11.
Girîngiya beşdarbûna Siûdî bo BRICS
Li gorî aborînasan, beşdarbûna Erebistana Siûdî ku yek ji mezintirîn îxracata petrolê ya cîhanê ye, xwedî girîngiyeke mezin e.
Li gorî aborînasan, BRICS’ê ya berfireh dibe heta 2040’an ji sedî 44’ê aboriya gerdûnî pêk bîne.
Her wiha ji sedî 21’ê para G-7 ya hilberîna navxweyî derbas bike.
Abiy Ehmed: beşdarbûna BRICS ji bo Etiyopya xala herî bilind bû
Serokwezîrê Etiyopyayê Abiy Ehmed piştî ku vexwendname ji bo tevlêbûna BRICS wergirt, got;
Ev ji bo duyemîn welatê herî qelebalix ê Afrîkayê “xala herî bilind” e.
Lûtkeya “Berfirehbûnê”: Li Afrîkaya Başûr lûtkeya BRICS pêk tê
