HDP’ê a ku piştî hilbijartinan dest bi pêvojoya xwejinûvesazkirinê kir 4. Kongreya Awarte li dar dixe.
Di kongreyê de Hevserokên giştî ên partiyê li dijî polîtîkayên dewleta Tirk a qirker peyama berxwedan û têkoşînê dan û gotin:
Divê aqilê dewletê yê ku li Îmraliyê tecrîdê li birêz Ocalan ferz dike bizane ku wê nekarin rêya çareserî û aştiyê bixitimîne.
Piştî hilbijartinên giştî yên li Tirkiyê Partiya Demokratîk a Gelan HDP dest bi pêvojoya xwejinûvesazkirinê kir.
Di vê çarçoveyê de HDP a ku tax bi tax civînên gel li dar dixist îro 4. Kongreya Awarte li dar dixe.
Kongre li Navenda Bazirganiyê ya Cîhanê a li Stenbolê bi hilbijartina dîwanê û rêzgirtinê destpêkir.
Dîwanê kongre diyarî Dayikên Aştiyê ên piştî binçavkirina polîsan, dema vedigeriyan di 22’yê tebaxê de qeza kirin û jiyana xwe ji dest dayîn kir.
Piştî destpêkirina kongreyê Hevserokên Giştî yên HDP’ê Pervîn Buldan û Mîthat Sancar axivîn.
“Em bi vê kongreyê ber bi guherîn û veguherînê ve diçin”
Pervîn Buldan, di destpêka axaftina xwe de girtiyên siyasî, kesên li sirgûnê û hemû kesên nekarin tev li kongreyê bibin silav kir.
Buldan diyar kir ew bi vê kongreyê ber bi guherîn û veguherînê ve diçin û wiha got:
HDP mîna şitla hezkirinê ye ku di nava hêviyê de şîn bûye.
Yên ku dixwazin vê şitlê hişk bikin, bila baş bizanin ku wê nekarin bi operasyon û darbeyên qeyûman, bi dozên kompasê vê têkoşînê tune bikin.
Pervîn Bûldan: Welat di pêvajoyeke giran de ye
Bi girêdayî polîtîkayên desthilata AKP-MHP’ê Pervînê destnîşan kir ku welêt di pêvajoyeke giran de ye û got:
Lewma divê em têkoşînê mezin bikin û pirsgirêkan çareser bikin.
Her wiha Pervînê bal kişande ser polîtîkaya tecrîdê a li dijî Rêber Apo tê meşandin û ev yek got:
Aqilê dewletê yê ku li Îmraliyê tecrîdê li birêz Ocalan ferz dike baş bizane ku wê nekare rêya çareserî û aştiyê bixitimîne.
Em careke din soz didin ku em ê bi têkoşîna xwe dawî li vê tecrîdê bînin.
Piştî axaftina Buldan Hevserok Mîthat Sancar derket ser dikê û bi silavkirinê dest bi axaftina xwe kir.
Mîthat Sancar jî bi lêv kir ev kongre, fînala pêvajoya wan daye desptêkirin nîne û ev tişt anî ziman:
Ev Kongre tenê yek ji rawestgehên pêvajoya muhasebeyê ye.
Em ê ji vir û şûnde tecrûbeya xwe ya têkoşînê û hêzên xwe li Partiya Çepên Kesk kom bikin lê wê HDP hem weke sazî hem jî weke ruh li vir e.
Li dijî zem, zilm û xerabiyên ev rejîm bi gelê me dide jiyîn, têkoşîna xwe mezin bikin.
Yek ji hedefa me ew e ku bi hemû derdorên civakî re yekitiya xwe hîn xurtir bikin.
Sancar diyar kir hêza ku wê vê welatî ji xwîn û şer rizgar bike li vir e û ev peyamda:
Bila kesek xwe reşbîn neke. Ji ber ku bêhêvîtî û reşbînî mirov ber bi teslimiyetê ve dibe.
Em ê heta dawiyê têbikoşin û bi ser kevin.
