450 ciwanên ku 3 mehan li Akademiya Şehîd Ehmed El Elî hatin perwerdekirin, tevlî refên Hêzên Erka Xweparastinê bûn.
Şervanan sond xwarin ku dê herêmên Bakur û Rojhilatê Sûriyê û şoreşê ji êrişan biparêzin.
Ji bo parastina axa xwe ciwanên heremê xwe perwerde û rêxistin dikin.
450 ciwanên ku 3 mehan li Akademiya Şehîd Ehmed El Elî perwerdeya leşkerî û bîrdozî dîtin, piştî qedandina perwerdeyê bi merasimekê tevlî nava refên Hêzên Erka Xweparastinê bûn.
Merasim bi amadebûna fermandarên QSD û şêx û rûspiyên eşîrên Reqayê li qada akademiyê ya bajarê Reqayê hat lidarxistin.
Ji fermandarên Hêzên Erka Xweparastinê ya Herêma Firatê Mehmûd Ebû Xemîs axivî û tevlêbûna ciwanan pîroz kir.
Ebû Xemîs: Buyerên li Dêrazorê komployeke li ser herêmê ye
Ebû Xemîs anî ziman ku bûyerên li Dêrazorê diqewimin komployeke li ser tevahî herêmê ye û armanca wê fitne di navbera pêkhateyên herêmê de derxistin e.
Fermandar Mehmûd Ebû Xemîs di dawiya axaftina xwe de got :
“Em Hêzên Erka Xweparastinê soz didin gelê xwe ku em ê bibin mertalên xurt ên parastina herêmên Bakur û Rojhilatê Sûriyê.”
Şêxê eşîra Sebxa: Em ê di oxira parastina xak û rûmetê de berdêlan bidin
Her wiha Şêxê eşîra Sebxa, Mihemed Tirkî Soan jî tevlîbûna endaman pîroz kir û ev tişt anî ziman:
“Bi navê tevahî eşîrên Reqa û Tebqayê em hêvîdar in ku hûn bibin bendeke qayîm ku herêmên Bakur û Rojhilatê Sûriyê pişta xwe bidin we.”
El Soan bang li şêx û rûspiyên Dêrazorê kir ku li hember fitneyên rejîma Şamê hişyar bin ku hewl didin projeya Rêveberiya Xweser têk bibin.
El soan da zanîn ku ew ê tevahî pêkhateyên Bakur û Rojhilatê Sûriyeyê di oxira parastina xak û rumeta xwe de berdêlan bidin.