QSD’ê ragihand ku wan di operasyonê de 3 çeteyên koma bin navê Newaf El Beşîr kuştine.
Endamekî parlametoya hikumeta Şamê, bû muxalif û çete. Newaf Raxib El Beşîr ê ku qebîleya wî ew qewitandiye, her wiha têkiliyên wî bi dewleta Tirk û DAIŞ’ê re xurtin kî ye?
Derbarê wî de dosyayeke me heye em lê temaşe bikin.
Newaf Raxib El Beşîr ji gundê El Mihêmîdiye yê bakurê Dêrazorê ye.
Piştî ku bavê wî di sala 1980′î de wefat kir, Newaf El Beşîr ku wê demê 26 salî bû cihê bavê xwe girt û bû şêxê qebîleya El Begara.
Newaf El Beşîr ji sala 1992’an heta dema destpêka serhildanên Sûrî zilamê hikûmeta şamê bû.
Serçete El Beşîr xwe wekî piştevanê şoreşê li pêşberî xelkê Dêrazorê nîşan da.
El Beşîr carekê hat girtin û piştî 72 saetan hat berdan. Piştre derket ser ekranê televîzyoneke girêdayî hikumeta Şamê û ev axaftin kir:
“Bûyerên li Sûriyeyê rû didin komployeke ku ji aliyê komên terorî ve têne kirin ku welat bikin hedef.”
Newaf El Beşîr reviya Tirkiyê
Piştî ku ji Şamê vegeriya Dêrazorê berê xwe da Tirkiyeyê.
Li gorî agahiyên ku çavkaniyên ji Dêrazorê dane, têkiliyên El Beşîr bi çeteyên DAIŞ′ê re xurt in.
Dema ku El Beşîr li Tirkiyeyê bû çeteyên DAIŞ′ê pê re di nava têkiliyan de bûn da ku wî îqna bikin ku vegere Dêrazorê û rasterast bi wan re kar bike.
Newaf El Beşîr yek jî hevkarê çeteyên DAIŞ’ê ye
Çavkaniyan diyar kir ku çeteyê bi navê Muheymen El Tayî ku wekî berpirsê têkiliyên giştî yê DAIŞ′ê ye, ji sala 2013′an û heta dawiya sala 2014′an bi El Beşîr re têkildar bû.
Çavkaniyan dane zanîn ku Newaf El Beşîr pêşniyar kir ku eşîra El Begara li hemberî DAIŞ′ê şer neke, lê komên çekdar ên girêdayî qebîleyê ev pêşniyar red kir û dijî DAIŞ′ê şer kir.
Di sala 2017′an de El Beşîr ji nişke ve di televîzyoneke nêzî hikumeta Şamê de derket û got:
“Hevbendiya berxwedanê bi ser ket. Sûriye bi ser ket.
Eşîra El Begara Newaf El Beşîr qewitand
Ji ber vê hevpeyvînê Meclisa Qebîleya El Begera El Beşîr ji serokeşîrtiyê qewitand û şûna wî Şêx Hacim El Beşîr diyar kir.
El Beşîr ji bo belavkirina Şîe`tiyê li herêma Dêrazorê xebitî û komeke bi navê ′Isûd El Eşayîr′ bi serokatiya kurê xwe Leys ava kir ku piştgiriyê dide Îranê.
Çeteyên girêdayî El Beşîr li Dêrazorê êrişê QSD’ê dikin
Piştî ragihandina operasyona ′Xurtkirina Ewlehiyê′ ji aliyê QSD′ê ve, navê Newaf Raxib El Beşîr dîsa derket pêş.
Milîsên girêdayî Newaf Raxib niha ji bo fitneyê derxînin derbasê hermê qadên QSD’ê bûn. êrişê QSD’ê dikin.
QSD’ê ragihand ku wan 3 çeteyên koma Newaf El Beşîr ên ku ketin herêmê kuştin.
https://youtu.be/JK_IijHiL5s?si=bCZ4An3WAniP0O4h
