Rûsya di mijara koorîdora genim ya bo Afrîka de, bi Tirkiyê re lihev kir.
Moskow ragihand ku ew ê genimê derbasî Tirkiyê tê kirin bi piştevaniya Qeterê bo welatên Afrîka yên hejar bêne şandin.
Ji bo vê planê wê di demeke nêz de xebatên teknîkî despê bikin.
Rûsyayê ragihand ku di prensîbê de plana şandina genimê wan ji bo welatên feqîr ên Afrîkayê bi rêya Tirkiyê bi piştgiriya aborî ya Qeterê pejirand.
Li gorî plana Rûsyayê, wê 1 mîlyon ton genim bi bihayekî erzanî ji bo Tirkiyê were şandin.
Piştre genimê li wir bibe ard û bo welatên Afrîka yên hejar were şandin.
Alîkarê Wezîrê Karên Derve yê Rûsyayê Aleksandr Grûşko diyar kir ku di çarçoveya planê de lihevkirineke prensîb pêk hatiye.
Di demeke nêzîk de wê hemû alî li ser hûrgiliyên teknîkî yên şandinê dest bi xebatê bikin.
Şefê rejîma Tirkiyê Recep Tayyîp Erdogan jî derbarê plana hatî pêşkêşkirin de nêrînek erênî dabû.
Rûsya di Tîrmehê de ji peymana Koorîdora genim vekişiyabû.
Lê li gorî Tirkiyê ya girîng careke din aktîfkirina peymana Korîdora Genim ya Derya Reş e.
Moskow diyar kir ku beşeke girîng ji dexlên Ukraynayê yên ku di çarçoveya peymanê da tên hinardekirin, diçin welatên pêşketî û welatên Yekîtiya Ewropayê (YE).
Her wiha îdia kir ku ew plan dike genimê xwe bi bihayê bêpere an jî bi erzanî bişîne welatên feqîr ên Afrîkayê.
Erdogan di daxuyaniya xwe ya piştî hevdîtina 4’ê Îlonê ya li Soçiyê ya bi Serokê Rûsyayê Vladimir Putin re ragihandibû ku wan plana nû ya ku NY ji bo Rûsyayê gotûbêjkirin.
Erdogan der barê plana Rûsyayê ya şandina milyonek ton genim ji bo welatên Afrîkayê da wiha got,
“Birêz Putin got, ‘Em amade ne ku vê milyonek ton genim bişînin welatên feqîr, me ji bo vê yekê hemû xebatên lojîstîkê kirine.
Em bi van xebatên lojîstîkê amade ne ku vê gavê bavêjin.”
Me ji wan re got,
“Em wek Tirkiye li vir çi ji destê me bê em dikarin bikin û genimên ku dê ji we bên em dikarin di kargehên xwe de bihêrin û bişînin.”
