Di warê nifûsê de welatê duyemîn yê herî mezin yê cîhanê Hindistan e.
Lê gelê Hindî di wê baweriyê de ne ku cîhan navê wan şaş dizane.
Ew dibêjin navê welatê wan Bharata ye.
Serokwezîrê Hindistanê Modi hewil dide êdî vî navî fermî bike.
Bharata çi ye? Çima Hindî dixwazin navê welatê wan were guhertin, em di vê nûçeyê de hîn bibin.
Serokwezîrê Hindistanê Narendra Modi ku ji 2014’an ve Hindistanê birêve dibe hewil dide navê welêt biguhere.
Her çend navê welat bi Hindî ‘Bharata’ ye, lê di nivîsên zimanên biyanî de weke Hindistan derbas dibe.
Lê li Hindistanê hikûmeta Narendra Modi dixwaze vê kevneşopiyê biguherîne.
Hikûmeta Modî biryar da ku di navbera 18-22’ê Îlonê de li Meclîsê civîneke taybet li dar bixe.
Siyasetmedar û şîrovekarên muxalefetê difikirin ku navê welat bi fermî dikare were guhertin.
Di vexwendnameyên Lûtkeya G-20 de ku wê roja Şemiyê dest pê bike, gotina Serokatîya Bharatayê hat bikaranîn.
Bingehê navê bharata çi ye?
Di edebiyata Hindî de ji herêma di navbera Çiyayên Hîmalaya û Oqyanûsan de Bharatvarsh tê gotin.
Li gorî mîtolojiya Hindî, Bharata padîşahê Hastinapura, li rojhilatê Delhi bû û wekî padîşahek dadperwer ku tevahiya welêt zeft dikir dihate dîtin.
Di nivîsa herî kevn a Hindu de, Bharata wekî navê civatekê tê bikar anîn.
Wateya Bharatajî axa berhemdar e.
Serokwezîrê Hindistanê Jawaharlal Nehru jî 1927’an di nivîseke xwe de gotibû:
“Hindistan Bharata ye, welatê pîroz ê Hindûyan e.”
Gelê Fars ji çemê Indus re digotin Hindu û ev peyv wekî Hindistan derbasî Latînî bû.
Hindistan hewil dide xwe ji mêtîngeriya Brîtanyayê dûr bixe
Hikûmeta Hindistanê dixwaze bi guherandina navê welat bo Bharata, xwe ji mêtîngeriya Brîtanyayê dûr bixe.
Wezîrê Perwerdehiyê yê Hindistanê Dharmendra Pradhan got:
“Bikaranîna Bharata helwestek mezin li dijî zîhniyeta mêtîngeriyê ye.”
Lêbelê, navê Hindistan 2 hezar sal berê jî hatiye bikar anîn.
Di sala BZ. 350 berî zayînê de jî di 4 pirtûkên dîrokzanê Yewnanî Megasthenes de navê “Indica” hatiye bikaranîn.
