Xwepêşandanên li Siwêdayê di hefteya 4`an de dewam dikin.
Piştevaniya jinên herêmê jî ji xwepêşandanê re zêde dibin.
Şêniyên herêma başûr careke din banga dûrxistina El Esed dikin .
Her wekî daxwaza çareseriya siyasî ya giştî li welêt a li gor biryara 2254′a NY`yê dikin.
Ev 4 heftene û gelê Swêdayê eynî bangê dikin .
Banga azadî, serxwebûn, wekehevî û demokratîbûnê dikin.
Daxwaza dûrxistina El Esed dikin û çareseriya siyasî ya giştî li welêt dikin.
Her wekî daxwaza berdana girtiyan û demokratîkbûnê kirin.
Xwepêşandêran diruşmên “Ji hilweşîna rejîmê re veger nîne,
Na ji mezhebperestiyê re li Sûriyê.
Fedakariyên jina sûriyê şoreşa li hember desthilatê ye” berz dikin.
Di êrişa alîgirên rejîmê de 3 xwepêşandêr birîndar bûn
Herî dawî Li gorî malpera Siwêda 24 ragihand, leşkerên hêzên hikûmetê gule li xwepêşandêran reşandin.
Malperê diyar kir ku ji hundirê avahiya Partiya Baasê ve ku xwepêşandêran hewl didan wê bigrin gule li wan hate reşandin.
Di encamê de 3 kes birîndar bûn.
Navenda Çavdêriya Mafên Mirovan a Sûriyê jî ragihand:
“Piştî bûyerê, komeke mezin ji xwepêşandêran berê xwe da avahiya partiyê.”
Çalekvanên ji Siwêdayê banga hevgirtinê li jinan kir
Çalekvanên jin ên ji Siwêdayê destnîşan kirin ku divê jin bibin yek û xebatên xwe li hember zordariya li dijî wan bi rêxistin bikin.
Divê jin xebatên xwe yên siyasî, tevger û çalakiyên xwe birêxistin bikin.
Ev kêlî, ji bo xebateke birêxistinkirî guncew e ku xwedî nêrîneke teorî ye, dibe bingeha destûreke lîak ya ku wekheviyê dabîn dike.”
Sala borî jî xelkê Siwêdayê rabûbûn ser piyan û banga dûrxistina Beşar El Esed kiribûn.
Îsal jî ji 20 Tebaxa borî ve xwepêşandan destpêkirin û gel daxwaza azadiyê dikin.
