Îsraîl hewil dide ku têkîliyên xwe bi welatên Erebî re baş bike.
Beriya niha Îsraîlê bi Misir û Urdunê re peymanên aştiyê îmze kiribû.
Niha jî dor hatiye Erebistana Siûdî.
Mîrê Erebistana Siûdî Mihemed Bin Selman diyar kir pêywendiyê wan bi Îsraîlê re ber bi normalbûnê ve diçe.
Piştî vê Îranê, Erebistana Siûdî bi xiyaneta li doza Filistînê tawanbar kir.
Mîrê Erebistana Siûdî Mihemed Bin Selman diyar kir ku welatê wî nêzî asayîkirina peywendiyên bi Îsraîlê re ye.
Mihemed Bin Selman destnşan kir ku pêywendiyê wan bi Îsraîlê re her roj ber bi normalbûnê ve diçe.
Bin Selman: Divê em pirskirêka Filistînê çareser bikin
Bin Selman di hevpêyvîna di televizyona Fox News a Amerîkî de balkişand ser pirskirêka li Filistînê û got:
“Pirsgirêka Filistînê ji bo me gelekî girîng e.
Divê em çareser bikin û jiyana Filistîniyan hêsantir bikin.”
Bin Selman: Divê Îran nebe xwediyê çekên nukleerî
Mîrê Siûdiyê herwiha balkişand ser pirskirêkên bi Îranê re û diyar kir ger Îran bibe xwedî çekên nukleerî divê ew jî heman rêyê bişopîne.
Bin Selman diyar kir ku mijara bi dest xistina çekên nukleerî ji bo hemû welatan cihê fikarêye û ev tişt anî ziman:
“Tu wateya hebûna çekên nukleerî tune, ji ber ku ew nikarin werin bikar anîn.
Lê eger welatek wan bikar bîne, wê bertekên hemû welatên cîhanê bide ber çavan.”
Îran: Erebistana Siûdî xiyanetê li doza Filistînê dike
Piştî axaftina mîrê Erebîstana Siûdî helwestek tund ji Îranê derket.
Serokomarê Îranê Îbrahîm Raîsî Erebistana Siûdî bi xiyaneta li doza Filistînê tawanbar kir.
Reîsî ev hewildan bi tundî rexne kir û got:
“Hewildanên ji bo pêkanîna ewlehiya Rejîma Siyonîst wê tu encam negire.”
Îsraîl têkîliyên xwe bi welatên Ereb re normal dike
Îsraîlê beriya niha bi Misir û Urdunê re peymanên aştiyê îmze kiribû.
Ji sala 2020’an ve jî têkiliyên xwe yên bi welatên Ereb Îmarat, Bahreyn, Sûdan û Fasê re asayî kir.
Normal bûna pêywendiyên welatên Erebî bi Îsraîlê re fikarên dewleta Îranê zêde dike.
Amerîka: Pêywendiyên Siûdî û Îsraîlê guhertineke başe
Wezîrê Karê Derve yê Amerîka Antony Blinken jî li ser pêywendiyên herdû welatan axivî û got:
“Normalkirina peywendiyên Erebistana Siûdî û Îsraîlê wê di Rojhilata Navîn de guhertineke baş çêbike.”
Ev mijar di hevdîtina Serokê Amerîkayê Joe Biden û Serokwezîrê Îsraîlê Benjamin Netanyahu de jî hate rojevê.
Biden û Netanyahu diyar kirin ku ew ê bi hev re ji bo pêşxistina têkiliyên dîplomatîk li Rojhilata Navîn bixebitin.
