Pevçûn û hedefgirtinên ketober di navbera hêzên hikumeta Şamê û çeteyên Dîfa El Wetenî dewam dikin.
Vê sibehê jî bi hevketin û nêzî 10 endamên Hikumeta Şamê û mislîsên Dîfa Wetenî hatin kuştin.
Taybet duh bi awayekî ketober bi gule û moşekan bi hev ketin.
Di encama vê yekê de rokêt û mûşek li tax û malên welatiyan ketin.
Zarokek li taxa Nasra jiyana xwe ji dest da, li Taxa El Umer jî jinek û zarokek birîndar bû.
Hîna jî kêşeya di navbera Hêzên hikumeta Şamê û çeteyên Dîfa El Wetenî çareser nebûye.
Ev pevçûn bixwe li çargoşeya ewlehiyê ya Hesekê pêk tê.
Îcar îro ew mîlîs û çeteyên ku bi destê Hikumeta Şamê hatine avakirin şerê hevûdin dikin.
Hikumeta Şamê li wan dizîvire û dixwaze wan ji holê rake nexasim Serçeteyê wê Ebdulqadir Hemo.
Vî çetî jî gelek tewan û binpêkirin pêk anîn e.
Danê vê sibê ji ber şerê di navbera wan de nêzî 10 endamên Hikumeta Şamê û milîsên Dîfa Werenî hatine kuştin.
Ji aliyeke din hate îdakirin ku li girtîgeha Seknê jî ya li çargoşeya Ewlehiyê 3 girtî dema xwestinê birevin ji aliyê Hikumeta Şamê ve hatin kuştin.
Moşekek li taxa Nasra ket zarokek jiyana xwe ji dest da
Ji ber hedefgirtinên ketober û avêtina moşekan, gelek moşek li malên Hesekê ketine..
Şevê din moşekek li maleke taxa Kelasê ket, di encamê de zarokê bi navê Yûsif Zêdan Mihemed (2) hate qetilkirin.
Di pevçûna çeteyên hikûmeta Şamê de 2 welatî birîndar bûn
Piştî wê rokêtek li Taxa El Umer jî ket, li vir jî jinek û zarokek birîndar bû.
Her weha rokêtek komên hikumeta şamê li taxa Eziziyê jî ketibû.
Bi rûdanan van bûyeranên dawiyê re gelek xelkên wan deveran ber bi herêmên Rêvberiya xweser ve hatin.
Hêzên Ewlekariya Hundirîn jî hejmara endamên xwe li taxên Hesekê zêde kiriye.
Ji bo parastina niştecihên bajar, Hêzên Ewlekariya Hundirîn serfer bûye.
