Tirkiye di Endeksa Sûcên Rêxistinkirî ya Cîhanî de li Ewropa di rêza yekem de ye.
Li tevahiya cîhanê jî di rêza 14. de ye.
Di raporê de şîroveyên li ser têkiliya di navbera komên sûc û rêveberên dewletê de jî hene.
Li Ewropayê welatê ku herî zêde di Endeksa Sûcên Rêxistinkirî ya Cîhanî de cihê xwe girtî Tirkiye ye.
Tirkiye ku puana wê ya sala 2023’an hinekî xerabtir bû, di rêza 14’emîn a cîhanî de cihê xwe girtiye.
Rapora Endeksa Sûcên Rêxistinkirî ya Cîhanî ragihand ku komên mafyayê yên li Tirkiyê bi avakirina têkiliyên nêz bi hikumetê û siyasetmedarên din re li dijî polîs û dadgeriyê parastinê dikin.
Endeksa Sûcên Rêxistinkirî ya Cîhanî rapora xwe ya 2023’an weşand.
Endeksê çalakiyên sûcên organîze di nava 193 welatên endamên Neteweyên Yekbûyî de dide ber hev.
Ji bo lêkolînê, daneyên bi lêkolînkirina weşanên li ser sûcên organîze têne berhev kirin.
Pispor û komên herêmî rastiya wan kontrol dikin. Piştre jimareya endeksê xuya dike.
Puanek ya herî kêm û 10 jî ya herî bilind e.
Puanên bilind li vî welatî rêjeya bilind a sûcên rêxistinkirî nîşan dide.
Ji bo pîvana sûcê organîze, hawîrdora sûc û aktorên sûc ên li welêt têne lêkolîn kirin.
Ev bi giştî ji 20 sernavan pêk tên.
Mijarên ku bi hawîrdora sûc ve girêdayî yên weke bazirganiya mirovan, qaçaxçiya mirovan, qaçaxçiya çekan û madeyên hişbir digre nava xwe.
Ji bo aktorên sûc, komên mafya, şebekeyên sûc, aktorên girêdayî dewletê, aktorên sûc ên biyanî û aktorên sektora taybet tên lêkolînkirin.
Qadên herî xirab: Bazirganiya mirovan û aktorên sûcdar ên girêdayî dewletê
Rêjeya giştî ya sûcên rêxistinkirî yên li Tirkiyê 7,03 ye.
Ev puan di sala 2021 de 6,89 bû.
Ev nîşan dide ku di van du salên dawî de rewş hinekî xirabtir bûye.
Di bin sernavan de aktorên sûc ên dewletê û qaçaxçiya mirovan bi 9 xalan weke herêmên herî xerab ên Tirkiyê hatin tomarkirin.
Di komên sûc ên wekî bazirganiya çekan, bazirganiya eroînê û mafyayê de puana Tirkiyê 8,5 e.
Rastiya ku puana qaçaxçiya mirovan 8 e, derdixe holê ku ev yek li Tirkiyê çiqas mezin e.
Myanmar bi 8,15 puanan di rêza yekem a Endeksa Sûcên Rêxitinkirina Cîhanî de ye.
Piştre Kolombiya û Meksîka tê.
Îran bi heman puanê ya Tirkiyê dîsa di rêza 14’an de ye.
Rûsya bi 6,87 pûanan di rêza 19’emîn de ye.
Tirkiye di nav welatên Ewropayê de di rêza yekem de ye.
Welatê Yekîtiya Ewropayê yê ku herî zêde puana endeksê girtiye Îtalya bû.
