Li dijî tecrîda girankirî a li ser Rêber Apo, Şaxên Komeleya Hiqûqnasên ji bo Azadiyê OHD daxuyaniyek hevpar dan
Hiquqnasan bang li civaka demokratîk kir ku, li hemberî polîtîkaya tecrîdê dengê xwe bilind bikin.
Ji parêzerên Rêber Apo Cemal Demîr jî got:
Girtîgeha Îmralî nîşaneya nêzikatiya li dijî gelê kurd e û bi vê yekê pirsgirêka kurd tê tecrîdkirin.
Şaxên Komeleya Hiqûqnasên ji bo Azadiyê li gelek bajaran der barê pergala tecrîda girankirî de daxuyaniyek hevpar dan.
OHD: Ji 7’ê tebaxa 2019’an parêzer nikarin biçin Îmraliyê
Di daxuyaniya hevpar de ewil îşaret bi bêhuqiya li Îmraliyê tê meşandin hate kirin û wiha hate gotin:
Ji 7’ê Tebaxa 2019’an ve tevî hemû serlêdanan, yek parêzerek jî nekariye biçe girtîgeha Îmraliyê.
Ji ber vê yekê, parezer ji aliyê hiqûqî ve derbarê dozên derheqê muwekîlên wan de vebûne nikarin alîkarî bidin.
Her wiha parêzer derbarê rewşa teduristiya wan de jî ne xwedî agahî ne.
OHD: Dixwazin birêz Ocalan di sîstema tecrîdê de bidin jibîrkirin
Hiquqnasan diyar kirin tecrîda li dijî Rêber Apo û girtiyên din ên li Îmraliyê ji ber nasnameya xwe ya polîtîk, tê sepandin.
OHD anî ziman, ev rewş bi awayekî vekirî nîşan dide ku hiqûq li Îmraliyê bi awayekî ku nayê qebûlkirin hatiye daliqandin û got:
Tê xwestin ku birêz Ocalan û 3 girtiyên din ên li Îmraliyê, di sîstema tecrîdê winda bikin, bidin jibîrkirin.
Di dawiya daxuyaniya hevpar de şaxên Komeleya Hiqûqnasên ji bo Azadiyê destnîşan kirin ku tecrîd îro belavî li tevahiya Tirkiyê bûye û ev bang li her kesî kir:
OHD’ê bang li her kesî kir ku li ber tecrîda li Îmraliyê rabe
Em bang li Tirkiyê dikin; biryarên Komîteya Mafê Mirovan a Netewên Yekbûyî û CPT û yên navnetewî pêk bîne
Her wiha bang li civaka demokratîk jî dikin; li hemberî vê polîtîkaya tecrîdê ku nayê qebûlkirin dengê xwe bilind bikin.
Parêzer Cemal Demîr: Tecrîd nîşaneya nezikatiya li dijî gelê Kurd e
Li aliyê din ji parêzerên Rêber Apo Cemal Demîr jî têkildarî Girtîgeha Îmraliyê nirxandin kir.
Cemal Demîr ku bi Rêber re 7 caran hevdîtin kiriye, pergala tecrîdê ya li Îmraliyê kir wiha vegot:
Îmrali ji girtîgehekê giravê gelek wêdetir e. Ev pergal, tenê ji projeyeke mîmarî û tecrîda fîzîkî pêk nayê.
Di heman demê de hêmayên civakî, psîkolojîk û felsefîk jî di nav de hene û projeya endezyariya psîko-sosyal e.
Lewma, li wê derê di şexsê kesekî de gelek hatiye zindanîkirin.
Demîr anî ziman Îmralî, nîşaneya nêzikatiya li dijî gelê kurd e û bi vê pirsgirêka kurd tê tecrîdkirin
Parêzer Cemal Demîr girtîgeha Îmraliyê weke “Çalereşa hiqûqê” pênase kir û got:
“Divê li dijî tecrîdê dîplomasiya navneteweyî û mekanîzmayên serlêdanan bêxin nava liv û tevgerê.”
