Kombûna Jinan a Zenûbiya Îro bi daxuyaniyekê ragihand ku pêngava li Herêmên rizgarkirî ku bi dirûşma “Bi hevre ji bo parastina civaka û bi destxistina ewlehiyê” û “Na ji zewaca zarokan û kuştinên jinan re” bi dawî bû.
Kombûna Jinan ya Zenûbiya di 1’ê Tebaxê de pêngava bi dirûşma “Bi hevre ji bo parastina civaka û bi destxistina ewlehiyê”dabûn despêkirin.
Di çarçoveya pêngavê de li herêmên rizgarkirî Tebqa, Reqa, Dêra Zorê û Minbicê gelek semîner û çalakî hatin li darxistin.
Armanc ji van çalakiyan jî hişyarkirina civakê û pêkanîna aramiyê bû.
Kombûna Jinan ya Zenûbiya Îro bi daxuyaniyekê ragihand ku wan pêngava li Reqa û Tebqa û Dêrazorê kirin.
Di daxuyaniyê de ev yek hate gotin:
- Piştî rizgarkirin herêmê û pêkanîna aramî û aştiyê hewldanên qirêj ji bo têkbirina aramiyê herêmê hat kirin.
- Bi her cureyî xwestin li herêmê şerê taybet bidin meşandin.
- Ji bo vê me pêwistî bi pêngaveke wiha dît.
- Me bi vê pêngavê hewl da rewşa civakê baştir bikin.
- Her wiha yekîtî û hevgirtina gel xurtir bikin.
Kombûna Jinan ya Zenûbiya di dawiya daxuyaniyê de diyar kir ku ewê pêngavên xwe yên ji bo aramiya herêmê bidomînin.
Kombûna Jinan a Zenûbiya li Minbicê pêngava xwe bi dawî kir
Her wiha li Minbic jî pêngava “Na ji zewaca zarokan û kuştinên jinan re” bi daxuyaniyekê hat bi dawîkirin.
Ev pêngav ji aliyê kombûna jinan ya Zenûbiyayê di 1 Tebaxê de hatibû destpêkirin.
Kombûna jinan ya Zenûbiya daxuyaniyek da û tê de diyar kir ku pêngava wan bi dawî bûye.
Kombûnê da zanîn ku wê pêngavên bi vî rengî di nava gel û civakê de zêdetir bikin û wiha di daxuyaniyê de hate gotin:
- Ji bo zanekirina civakê û guhertina zihniyeta mêrsalarî gelek semîner û perwede di çarçoveya pêngavê hatin dayîn.
- Di dema dawî de bûyerên kuştin û zewaca zarokan di nava civakê de zêde bû.
- Ji bo ku em dawî li van zihniyetên şaş bînin me ev pêngav da despêkirin.
- Me di vê pêngavê de çalakiyê cûr bi cûr dan despêkirin.
- Emê hewl bidin em van gêngavan di nava civakê de zêdetir bikin û li tevahê Bakur û Rojhelatê Sûryê belav bikin û bidin despêkirin.