Balafirek bêmirov ya dewleta Tirk kargeha avahiyan ya li Hesekê bomberan kir.
Di encamê de 4 welatî birîndarbûn.
Fermandarê Giştî yê QSD’ê Mezlûm Ebdî jî derbarê gefên Tirkiyê got: Tirkiye ji bo êriş bike li Hincetan Digere.
Piştî êrîşan, Wezîrê Karê Derve yê Tirk Hakan Fîdan careke din gefa berfirehkirina êrîşan li dijî herêmên Bakur û Rojhilatê Sûrîyê û Başûrê Kurdistanê xwar.
Hakan Fîdan got: Ev herêm hedefên rewa yên hêzên me ne
Ebdî: Yê ku êrîşa Enqera pêk anî di herêma me re derbas nebûye
Piştî wê fermandarê giştî yê QSD’ê Mezlûm Ebdî di derbarê mijarê de tiwîterek avêt û got:
“Yên ku êrşa ku li Enqera pêkanîn di herêma mere derbas nebûne weke ku berpirsyarên dewleta Tirk îdia dikin em ne aliyekin ji pevçûnên hundirê Tirkiyê û em bilindkirina asata wê jî destek nakin
Ebdî: Tirkî ji bo êrîş bike li hincetan digere
Tirkiye li hincetan digere ku êrîşên xwe yên li ser herêmên me rewa bike û dest bi êrîşeke leşkerî ya nû bike û ev yek jî fikarên me kûr dike.
Armanckirina binesazî û çavkaniyên aborî yên herêmê û bajaran tawaneke şer e û me berê jî ev yek dîtiye Ji bo vê yekê jî em daxwazê ji aliyên garantor û civaka navneteweyî dikin ku li hember van defên dubare helwestên guncaw nîşan bidin aştî û aramiyê li herêmê misoger bikin.
