Xeteriya sotemeniya fosîl û pêşketina asta germahiyê, dihêle cîhan bi metirsiyeke mezin re rûbirû bimêne.
Lê tevî vê yekê jî dawî li sotemeniya fosîl nayê anîn û ev jî metirsiya heyî zêdetir dike.
Sekreterê Giştî yê NY Guterres li çiyayê Nepalê bang li cîhanê kir ku dawî li serdema sotemeniya fosîl bînin û got: “Dînbûnê rawestînin.”
Ji ber xeteriya sotemeniya fosîl asta germahiya li cîhanê her ku diçe bilintdir dibe.
Zanyaran gelek caran li ser xeteriya heyî hişyarî dane û banga bi dawîkirina vê yekê kirine.
Lê tevî vê yekê jî heta niha gavên berbiçav nehatine avêtin û xeteriya heyî her ku diçe zêdetir dibe.
Guterres: Di 30 salan de ji sêyan yekê berfa Nepalê helyaye
Sekreterê Giştî yê Neteweyên Yekbûyî Antonio Guterres têkîldarî xeteriya germahiya global hişyarî da.
Antonio Guterres diyar kir ku ji ber germa zêde di nava 30 salên dawî de li çiyayê Nepalê berfa heyî ji sêyan yekê wê bi temamî heliyaye.
Guterres di serdana xwe ya li herêma nêzî çiyayê Everest ê de axivî û bal kişand ser xeteriya germahiya global.
Li gorî wî eger germahiya global ji 1,5 pileyî derbas bibe wê bi xwe re rê li ber herikîna çem, herikîna erdê û hişksaliyê veke.
Guterres: Dev ji vê dînbûnê berdin
Guterres di peyama xwe ya li Hîmalaya de banga bidawîkirina serdema sotemeniya fosîlê kir û wiha domand:
“Ez îro hatim ser banê cîhanê biqîrim û bêjim dev ji dînbûnê berdin.”
Zanyarên avhewayê diyar dikin ku germahiya erdê di 100 salên dawî de 0,74 pileyî zêde bûye.
Lê belê germahiya li Hîmalaya li Başûrê Asyayê ji vê zêdetir xuya dike.
Guterres di daxuyaniya xwe ya piştî serdana herêma Solukhumbuyê de diyar kir ku cemedên li Nepalê di deh salên dawî de ji sedî 65 zûtir heliyane.
Guterres: Eger wiha biçe wê xeteriya heyî mezintir bibe
Guterres di serdaneke çar rojan de li Nepalê ye, têkîldarî rewşa heyî hişyarî da û wiha got:
“Xeteriya heyî wê bandor li gol, çem û deryayê jî bike
Eger bi vî awayî dewam bike wê rewşa heyî hîn xirabtir bibe.”
Guterres: Divê em bi çalakiyên avhewayê pêşî li xeteriyan bigirin
Antonio Guterres bang li hemû welatan kir ku ji bo pêşî girtina li kaosa avhewayê ya herî xirab gavan bavêjin û wiha bidawî kir:
“Germahiya rekor tê wateya helîna cemedan.
Helîna cemedan jî bi xwe re xeteriyek wisa tîne ku pêşî lê nayê girtin.
Lewma divê em bi çalakiyên avhewayê pêşî li xeteriyan bigirin.”
