Rojnamevan Hêvîdar Xalid têkildarî şer û kirîza li Rojhilata Navîn, her wiha hêz jinê ya çereseriya van pirsgirêkan nirxandin kir û got:
Ji bo pêşxistina rêgehên çareseriyên demokratîk divê stratejiyên zelal ên xwe bispêrin azadiya jinan, esas werin girtin.
Rojnamevan Hêvîdar Xalid sedem û encamên kirîz û şerên li Rojhilata Navîn nirxand.
Hêvîdar Xalid diyar kir ku ji sedan salan ve herêma Rojhilata Navîn di nava şerekî dijwar de û balkişand ser rola jinan ya di çareserkirina van aloziyan de û wiha domand:
Tê zanîn ku jin roleke sereke di civakê de dilîze.
Beşdarnebûna jinan di şerên li dijî desthilatê, rê li ber wan vedikin ku roleke çalak di pêkanîna aştî de bilîzin.
Ji jinan tê xwestin ku xebeteke zihnî xurt pêk bînin û bendên tirsê bişkînin.
Hêvîdar Xalid xwest rê li ber jinan bê vekirin da ku di diyalogên aştiyê de kar bike em dibînin ku jin tên paşguhirin û di piraniya deman de têne dûrxistin.
Her wiha nêrîn û hêza jinan biçûk tên dîtin.
Dibe ku rola jinan di maseya diyalogan de hebe, lê ev yek diyarker û kêm e.
Ji bo pêşxistina rêgehên çareseriyên demokratîk divê stratejiyên zelal ên xwe bispêrin azadiya jinan, esas werin girtin.
Nabe rêveberî di destê mêran tenê de were hiştin û biryar ji aliyê wan tenê ve werin girtin.
Jin di xwezaya xwe de xwediyên çareseriyê ne û ji bo bidawîkirina şeran xwedî rol in.
Hêvîdar Xalid bang li jinan kir ku li dijî têgeh û siyasetên netewe dewletê têbikoşin û wiha dawî li axaftinên xwe anî:
Li Bakur û Rojhilatê Sûriyê 8 rêxistinên jinan, ji NY′yê û rêxistinên girêdayî wî xwestin ku berpirsyariyên xwe bi cih bînin û dawîn li êrişên Tirkiyê bînin.
Divê jin gotina navdar a Komîseriya Bilind a Mafên Mirovan a Neteweyên Yekbûyî Michelle Bachelet a ku dibêje “Li ku derê nakokî hebe, divê jin bibe bşeke ji çareseriyê”, wekî dirûşma têkoşîna xwe ya tevlêbûna di çareserkirina şer û avakirina aşitiyê de esas bigirin.
Divê jin xwe bi rêxistin bikin û hevbendiyan ava bikin ku karibin armancên xwe li gorî rêgezên demokratîk, jiyana hevbeş bighînin serî.
