Projeya mala cîhana zarokan yek ji destkeftiyên jinan e û bi derfetên Rêveberiya Xweser e hatiye avakirin. Li bajarê Hesekê Rêvebera mala cîhana zaroka a taxa Til Hecer, Ezîza Elî diyar kir ku bi sedan dayik ji projeya mala cîhana zarokan sûdê digrin.
Di şoreşa Rojava de jinan gavên giring avêtin.
Desteya jin a Bakûr û Rojhilatê Sûriyê ji bo rêxistinkirin, pêşxistin û azadiya jinan gelek gavên giring avêt.
Heta niha ji bo jinan projeyên demdirêj û demkurt daye avakirin.
Armanc ji vê projeyê piştgiriya bi jinên karmend û xwendekar re ye her wiha sûd girtina dayikan jî .
Li bajarê Hesekê 3 malên cîhana zarokan hene. Ev mal li taxa Til Hecer, Ezîziyê û Salihiyê ne .
Rêvebera mala cîhana zaroka a taxa Til Hecer, Ezîza Elî derbarê projeya vekirina mala cîhana zarokan de wiha anî ziman:
Ezîza Elî: Rola jinan di pêşxistina xebatan de gelek giring e
” Di nava saziyên Rêvberiya Xweser de bi hezaran jin kar û xebatan didin meşandin ji wan gelek jî dayik in.
Em di pêvajoyeke wisa de ne ku rola jinan di pêşxistina kar û xebatê de girîng e .
Armanca me bi vekirina mala cîhana zarokan ew e ku dayik bi rehetî biçin ser karê xwe û dilê wan rehat be.”
Ezîza Elî teqez kir ku Rêvberiya Xweser derfet li pêşiya jinan vedike da ku doz û armanca xwe pêk bînin û got:
Em di nava şoreşê de ne, em bi şans in ku di bin sîwana Rêveberiya Xweser kar û xebatan dikin.
Ji ber ku dema mirov kar bide meşandin û ji aliyekî din ve rehet be şansek e mezin e.
Ezîza Elî di dawiyê de diyar kir ku ew zarokan wekî zarokên xwe dibînin, bi wan re dilîzin, xwarinê didin, wan paqij dikin, fêr dikin û dixin xew.