Hêza Parastina Civakê ya Jin bi armanca prastina jin û civakê hat avakirin. Endamên HPC-Jin yên Minbicê li ser tevlîbû, armanc û xebatên xwe axivî û bang li jinan kirin ku ji bo prastina civaka xwe di nava vê hêzê de cih bigirin.
Bi belavkirina felsefeya rêber Apo û destpêkirina şoreşa Rojava re jin ji qadên siyasî û civakî heyanî qada leşkerî di her warê de xwe birêxistin kirin.
Bi Hêza Parastina Civakê ya Jin (HPC-Jin) a bi armanca parastina jin û civakê hat avakirin, jin xwedî li destkeftiyan derdikevin û di her warê de têkoşîna xwe bilind dikin.
Endamên HPC-Jin yên Minbicê derbarê armanc û xebatên xwe de axivîn.
Jinan balkişandin ser destkeftiyên bi şoreşa rojava re hatine bidestxistin û wiha anîn ziman:
Beriya şoreşê jin tenê ya malê dihat hesbandin.
Ji ber zêhinyeta mêrsalariyê êş û azarên mezin dikişand.
Ev eş û azar bi şoreşa Rojava re hatin pêçandin.
Şoreşê derfetên pêşketinê ji jinan re vekir û niha jin di astên rêveberiyê de cih digirin û bûne xwedî biryar.
Jinan diyar kirin ku armanca wan ya serke parastina civak û xakê ji dagirkeriyê ye û gotin:
Avakirina Hêza Parastina Civakê ya Jin ji bo gelê Minbicê destkeftiyek e.
Tevlîbûna me ya di nava vê hêzê de ji bo parastina jin û civakê ye.
Ji bo em di nava aramî û aştiyê de jiyan bikin jî em her di nava xebatan de ne.
Jinan anîn ziman ku parastina civakê ji êrîş û fitineyan erka wane û wiha dawî li axftinên xwe anîn:
Dagirkeriya dewleta Tirkiyê heta niha di her firsetekê de êrîş dike.
Armanca wê ya serkek jî koçberkirina gel û dagirkirina herêmê ye.
Ji ber vê jî parastina vî gelê erka me ya sereke ye.
Em bang li tevahî jinan dikin ku li dijî êrîş û pilanên dagirkeran tevl Hêza Parastina Civakê ya Jin bibin û parastina xwe û civaka xwe bikin.
