Fermandariyên YPG û YPJ’ê bi daxuyaniyekê bersiv da peyama şoreşgerên Myanmarê ku li dijî êrişên dewleta Tirk a dagirker ên li ser Bakur û Rojhilatê Sûriyeyê piştgirî dan şoreşa Bakur û Rojhilatê Sûriyeyê.Fermandariyên YPG-YPJ’ê: Em peyama we ya ku êşên me parve dike û xwedî li berxwedana me derdikeve pir girîng dibînin.
Fermandariyên YPG-YPJ’ê bi daxuyaniyekê bersiva şoreşgerên Myanmarê da.
Fermandariyên YPG û YPJ’ê spasiya şoreşgerên Mynmarê kirin û gotin:
“Em bi baweriya ku di pêşengiya azadiya jin de, bi biratî û yekîtiya gelan, civaka azad dikare were avakirin, em bi hezkirin û bi hurmeteke bê dawî we silav dikin.
Paradîgmaya Rêber APO ya Şaristaniya Demokratîk û rêxistinbûna xwe-rêvebirinê, wê ji sedsala 21. re bibe bersiv.
Bi nêzîkatiyeke wekhevî û hevsengiyê tevahî polîtîkayên faşîst-dewletperest-dîktator û zayendperest vala derdixe.
Li ser vê bingehê wateya têkoşîna me ya hevpar a bi we re ji her tiştî girîngtir e. ”
Em peyama we ya ku êşên me parve dike û xwedî li berxwedaniya me derdikeve pir girîng dibînin.”
YPG-YPJ: Hûn gel’ê xwedî dînamîkên demokratîk ên xurt in
Daxuyaniya Fermandari yê wiha berdewam kir:
“Hûn jî wek gelê Myanmar’ê xwedî gelek nasname û gelek çand in.
Her wiha hûn xwedî gelek dînamîkên demokratîk ên xurt in.
Em têkoşna weya li dijî cûntaya faşîst dişopînin
Li hemberî tepisandin, şerê qirêj û êrîşên ne mafdar ên ku rêveberiya cuntaya faşîst li dijî gelê we pêk tîne, em bêdengiya cîhanê ya li hemberî van êrîşan şermezar dikin û red dikin.”
YPG-YPJ: Azadiya jin cewherê hebûna civakê ye
Fermandariya YPG-YPJ’ê wiha bahsa têkoşîna jin kir û got:
“Em azadiya jinê wekî cewherê hebûna civakê pênase dikin.
Weke YPG-YPJ em xwedî artêşeke ku li ser vê bingehê xwe ava kiriye.
We di peyama xwe de bal kişande li ser girîngiya rêxistinbûna jin a di nava artêşê de, her wiha di nava têkoşîna we de jî hêza jin xwedî tevlîbûneke girîng e.
Ji bo me jî ev gelekî bi nirx e. Em bawer dikin ku azadiya jin bi qasî ku nakokiya zayendî tehlîl bike wê karibe civakê jî azad bike.
li ser vê bingehê em hevalên jin silav dikin. Em bawer in ku têkoşînên xwe dispêrin rêgeza azadiya jin.
Teqez wê biserkevin û xwedî wê hêzê ne ku civakê azad bikin.”
YPG-YPJ: Wê têkoşîna me ya hevpar a azadiyê serbikeve
Fermandariya YPG-YPJ’ê di dawî de teqez kur ku wê têkoşîna wan ya rewa bi serbikeve û got:
“Weke hêzên parastinê em ê bi stratejiya ‘Şerê Gelê Şoreşgerî’ hêza têkoşîna gel bi rêxistin bikin.
Em ê bi ti awayî gav paşde neavêjin û em ê nirxên azadiyê yên ku em bi hev re temsîla wê dikin, jiyanî bikin.”
