Li Hindistan û Pakistanê ‘mija bijehir’, metirsiyek mezin daye çêkirin.
Bi hezaran kes nexweş bûn, li Lahor û hinek bajarên din, gelek cihên komî heta roja Yekşemê hatin girtin.
Tê gotin sedema sereke ya vê mija bijehrî jî şewitandina berhemên çandiniyê yên piştî dema hişk dibin e.
Li rojhilatê Pakistanê, ji ber qirêjiya hewayê bi hezaran kes bi jehrî ketin.
Ev yek bû sedema li welat li hinek eyaletan cihên giştî werin girtin.
Li Lahore ya duyemîn bajarê herî mezin yê Pakistanê ye, mij gihişt asta xeternak.
Hikumeta parêzgeha Punjab ferman da ku dibistan, nivîsgeh, navendên danûstendinê û parkan li sê bajaran heta yekşemê girtî bimênin.
Di çend rojên borî de Endeksa Qelîteya Hewayê ya Lahorê ku asta hewayê dipîve, li dora 400î bû.
Asta qalîtê dema jêrî 100 be ewle tê hesibandin.
Bakurê Hindistanê jî di bin bandora mija jehrî de ye
Li paytexta Hîndîstan Delhiyê jî qirêjiya hewayê derketiye asta metirsiyê.
Endeksa kalîteya hewayê ya li paytexta Hîndîstanê di 7’ê Mijdarê de derket 300’î.
Rabûna domdar a li hember qirêjiya hewayê dikare bibe sedema pirsgirêkên tenduristiyê yên demdirêj.
Bi taybet jî kansera pişikê.
Hin pispor bawer dikin ku şewitandina berhemên çandiniyê yên hişk ya ji bo amadekirina demsala zivistanê jî sedema sereke ya qirêjiya hewayê ye.
Li gorî nûçeyên medyaya xwecihî, Pakistanê hefteya borî got;
Ew dê di asta dîplomatîk de vê mijarê bi rayedarên Hindistanê re ragihîne lê hûrguliyên zêdetir neda.
Lêbelê, pispor diyar dikin ku, mîna Hindistanê, cotkar li Pakistanê ji bo amadekirina demsala nû ya çandiniyê serî li şewitandina berhemên piştî çinînê didin.
Li gorî Endeksa Jiyana Qalîteya Hewayê ya ku ji aliyê Zanîngeha Chicagoyê ve hatî amadekirin, qirêjiya hewayê li deverên herî qirêj ên Pakistanê ku Lahore jî di nav de ye, jiyana mirovan hema hema heft salan kurt dike.
