Dîsa li Cîhanê nexweşî û virûsên xeternak xwe dide der
Bijîşkan ji niha ve hewl didin li dijî sê nexweşiyên xeternak derziyek pêş bixin
Bi vî awayî tê armanckirin kesayet û civak xwe bigihînin parastineke herî baş.
Careke din hejmara weqayên pêketina Covid-19 zêde dibin.
Bijîşkan ji bo pêşîgirtinê hişyarî didin û dibêjin divê demildest derziyê Covid-19 bê lêxistin.
Ev yek hem ji bo covid û hem jî ji bo nexweşiya şobeyê derbas dibe.
Komîsyona Derziyê ya Daîmî yê Alman (STIKO) û Navendên Parastinê û Kontrola Nexweşiyê (CDC) dibêjin derziyê Covid-19 bi derziya şobe (influenza) re dikare were tevdan.
Lê belê bijîşkên cîhanê derbarê mijarê de dibêjin her du derzî divê li heman milê neyê xistin.
Ji ber vê guncav tê dîtin ku her du derzî yek ji wan çep a din jî rastê milê were xistin.
WHO pêşniyar dike her du derzî hemwextî bê xistin
Rêxistina Tenduristiyê ya Cîhanê-WHO pêşniyar ji saziyên tenduristiyê yê welatan dike ku her du derzî di hemwextî bê xistin.
Bi vî awayî tê armanckirin kesayet û civak xwe bigihîne parastineke herî baş.
Di çarçoveya lêkolînê de bijîşk hewl didin li dijî 3 nexweşiyan derziyan bikin yek.
Sê nexweşiyên ku qala wê tê kirin covid-19, şobeyê ku weke influenza tê nasîn û ya din jî nexweşiya RSV (Respiratuar Sinsisyal Virus) ku bi riya hilm-dayîn û standinê pêş dikeve ye.
Nexweşiya RSV herî zêde di zarok û pitikan de derdikeve holê. Ji bo xebatên heyî neqediyaye tenê derziyên RSV tê dayîn.
Li aliyê din saziya CDC yê li Amerîkayê ye û dibêje yek-kirina her sê derziyan ti metirsî û pirsgirêk dernexe.
Dîsa kesên temen mezin û nexweşên domdar di rîskê de ye
Bijîşkan derbarê komên rîskê de wiha dibêjin:
Komên rîskê ango kesên temen mezin ku nexweşiyên dil û tansiyonê derbaskiribin divê ji bo parastina nexweşiyê baldar bin.
Di heman demê de kesên nexweşiya gurçikê û şekir derbas kiribin dikevin nava komên rîskê.
Ciwan û zarokên xwedî nexweşiyek domdar bin, hîn zêdetir rewşa wan metirsîdar e.
