Di navbera Fînlandiya û Rûsyayê de nîqaşên mijara girtina deriyên sînor didome.
Ji hêla Fînlandiya ve derbasbûna hejmarek zêde penaber fikarek ji bo welêt dike.
Û ev çend rojin ji bo hemû sînorên bi Rûsyayê re bê girtin plansaziya Fînlandiyayê di rojevê de ye.
Aliyên Rûsî jî bilêv dikin ku girtina deriyên sînor têkiliya her du welatan xera bike.
Serokwezîr Orpo di civîna çapemeniyê ya ku li dar xist de derbarê sînorê welatê xwe û Rûsyayê de daxuyanî da.
Orpo ragihand ku tê plankirin ku tevahiya sînorê Fînlandiya bi Rûsyayê re ji ber “fikara koçberiyê” were girtin.
Fînlandiya di dawiya hefteyê de bi hinceta astengkirina herîkîna “welatiyên welatê sêyemîn” bi Rûsyayê re biryara girtina 4 deriyên sînor dabû.
Hatibû ragihandin biryara mijara gotinê wê heya 18’ê Sibata 2024’an derbasdar bibe.
Sînorên li Bakurê Finlandiyayê heya 13 Kanûnê girtî be
Wezîra Karên Navxweyî Marî Rantanen di civîneke çapemeniyê de ragihand ku wê noqteyên ser sînor ên li bakurê welêt wê şeva Çarşemê destpê bike heta 13’ê Kanûnê girtî be.
Di çapemeniya Fînlandiyayê de nûçeyeke ku wê bi Rûsyayê re deriyên sînor ên mayî jî bê girtin hatibû dayîn.
Berdevkê Kremlinê Dmitriy Peskov di daxuyaniyekî xwe de wiha gotibû:
“Em li ser vê mijarê bi fikar in. Ji ber ku di navberê me û Fînlandiyayê de têkîliyên rêzdar û pir baş hebû.
Mixabin şuna wan têkîliyan nêzîkatiya dijberiya Rûsya girtiye.”
Aleksandr Gruşko: Girtina deriyan dijî berjewendiyên Finlandiya ye
Alîkarê Wezîrê Karê Derve yê Rûsyayê Aleksandr Gruşko jî anîbû ziman biryara girtina deriyên sînor ê Fînlandiyayê bi Rûsyayê re wê dijî berjewendiyên wan ê netewî bibe.
Her wiha di 22’yê Mijdarê de Fînlandiya ragihandibû, ji bo bi armanca kontrolkirina herîkîna penaberan hin xalên derbasbûnê yê bi sînorên Rûsyayê re dest bi danîna rêgiriyê kiriye.
Li gorî Helsînkî, ji meha Tebaxê û vir ve derdora 800 koçberên neqanûnî ku piraniya wan ji Rojhilata Navîn û Afrîkayê ne, gihîştine sînorê Fînlandiya û Rûsyayê.
Ev jî hikûmeta Fînlandiyayê dixe nava fikaran.
Fînlandiya ji derveyî yekê tevahî deriyên sînor ên bi Rûsyayê re girt
