Îranê ku li gelek heremên Rojhilata Navîn hewl dide serweriyê xwe ava bike dest bi kirîna balafir û firokeyên şer dike.
Rûsyaya ku bi şerê Ukraynayê re dixwaze têkiliyên xwe yê leşkerî xurt bike bi Îranê re jî di nava danûstandinan de ye.
Her çi qasî Îranê ji hêla kirîna balafirên şer bi Rûsyayê re li hevkirinê xwe eşkere bike jî, aliyê Rûsyayê hîna agahiyek nehatiye parvekirin.
Hêza hewayî ya Îranê ku ev demeke dirêj e ji ber ambargoyan nikare balafirên şer bikire, di envantera xwe de balafirên şer ên F-4, F-5 û F-14 ên kevin ên Amerîkayê û Mig-29 û Su-24 ên Rûsyayê hene.
Alîkarê Wezîrê Parastinê yê Îranê Mehdî Ferahî ragihand ku welatê wî amadekariyên pêwîst ji bo radestkirina balafirên şer û helîkopterên Su-35 ên Rûsyayê temam kirine.
Her wiha Farahî ji Ajansa Nûçeyan a Tasnim ê Îranê re got:
“Ji bo balafirê şer ê Sukhoi Su-35, helîkopterên êrîşê Mil Mi-28 û balafirên şer ê perwerde Yak-130 tevlî yekîneyê şer ê artêşa Îranê were kirin plansazî hatine temamkirin.”
Balafirê şer Su-35 ji aliyê şîrketa Sukhoi a Rûsî ve tê çêkirin
Su-35 ku ji aliyê şîrketa Sukhoi a Rûsî ve tê çêkirin, weke balafireke nêçîrî û piralî tê bikaranîn.
Lê belê di nûçeyê de derbarê lihevkirin û encamên firotinê de ji aliyê Rûsyayê ve agahî nehatiye piştrastkirin.
Li gel hêza hewayî ya Îranê tenê çend firokeyên êrişkar hene, di nav wan de firokeyên Rûsî û modelên kevntir ên Amerîkî ku berî Şoreşa Îslamî ya Îranê di sala 1979 de hatine kirîn.
Moskow hîna lihevkirina heyî ji medyayê re eşkere nekiriye
Di sala 2018’an de, Îranê ragihandibû ku wê dest bi hilberîna firokeya şerker Kevser ya ku li herêmê hatiye dîzaynkirin, ji bo bikaranîna di hêzên asmanî de dest pê kiriye.
Lêbelê, pisporên leşkerî di wê baweriyê de ne ku Kevser kopiyek karbonê ya F-5 e, ku di salên 1960’an de li Dewletên Yekbûyî yên Amerîkayê DYA hate hilberandin.
Di çarçoveya lihevkirina Moskow û Tehranê de Îran dê çend firoke û helîkopteran bikire ji medyayê re nehatiye eşkerekirin.
Her du welatan di mijarên herêmî de bi hev re tevdigerin, bi taybetî piştî şerê Ûkraynayê ji aliyê Rûsyayê ve, di warê leşkerî de jî têkiliyên xwe zêde kirine.
