Israîlê êrişî Şamê kir

Îsraîlê êrişî navendên hizbullah yên li Şamê kirin.
Serokê Hikumeta Şamê derbarê leşkertiyê biryarek derxist.
Di meha Mijdarê li herêma Bêçek di şer û sûcan de 62 kes hatin kuştin.

Şevê din dengê teqînên bi hêz li derdora bajarê Şamê hatin bihîztin.

Wezareta Parastinê ya Hikumeta Şamê ragihand ku artêşa Israîlê êrişî hin nuqteyên leşkerî yên li Şamê kirin.

Her wiha da zanîn ku pergala Ezmanî hin moşek bêbandor kirin.

Navenda Çavdêriya Mafên Mirovan a Sûriyê êrişa Israîlê li dijî Şamê eşkere kir.

Artêşa Îsraîlê bi moşekan herêma Seyide Zeyneb ya li gundewarê Şamê bombebaran kir.

Çavdêriya Sûrî: 2 Endamên Hizbullah hatin kuştin û 7 jî birîndar bûn

Li herêma naborî Mezrie, nuqteyên leşkerên yên girêdayî Hizbullaha Lobnanî bûn armanca êrişan.

Çavdêriya Sûrî diyar kir ku tevî pergala Parastinê ya Himetê Şamê ket tevgerê jî lê rê li ber êrişan negirt.

Di êrişa Israîlê de, 2 endamên Hizbullah hatin kuştin û 7 jî birîndar bûn.

Ji ber iflasê Beşar El-Esed yasayek derbarê leşkeriyê derxist

Hemxwetî aloziya aborî li welêt, duh Serokê Hikumeta Şamê Beşar El-Esed biryarek derbarê leşkertiyê ragihand.

Ajansa Sana ragihand ku serokê hikumet Şamê yasayek derxist ku di berdêla leşkertiyê de pere bên dayîn.

Li gorî qanûnê, kesên leşkeriya yedek nekirine, dikarin li şûna wê 4 hezar û 800 dolar bidin.

Her wiha têkildarî kesên leşkeriya yedek dikin û 40 sal derbas kirine, pereyên hatine diyarkirin bidin, lê her mehek leşkeriyê 200 dolar kêm dibe.

Li gorî çavdêran, armanca vê qanûnê aboriyek ji xezîneya hikumeta Şamê re bê dabînkirin, ji ber ku îflas ketiye û pêdiviya wê bi pereyên biyanî heye.

Çavdêran anî ziman ku êdî hikumet bêzar bûye û li pereyên di berîka welatiyan de digere.

Welatiyan hêrsa xwe li hember vê qanûnê nîşan da û gotin hikumeta dan û standina welatiyan ji dolar re qedexe dike û ji xwe re rewa dike.

Şer û aloziya li herêma bêçek

Ji wê jî, aloziya herêma bêçek kambaxe.

5’ê Adara 2020’an ji bo bidawîbîna şerê li Sûriyê di navbera Serokê Rusyayê Viladimêr Potîn û Serokê Tirkiyê Rece Teyîb Erdogan civînek pêk hat.

Di civînê de, her du aliya li ser bidawîbûna şerê dinavbera hêzên hikumetê û komên çete li Idlib, Hema, Heleb, Laziqiyê li hev kirin.

Biryar bi navê ‘herêma bêçek’ hate îmzekirin.

Lê ev biryar tenê ximava li ser kaxezê bû.

Rojane ev biryar ji aliyê hêzên hikumetê û çeteyan ve tê bin pê kirin.

Çavdêriya Sûrî: Meha Mijdarê li herêma bêçek 62 kes hatin kuştin

Di meha borî de, ji her du aliyan bi hemû cureyên çekan navendên hev dan ber topan.

Çavdêriya Sûrî bîlançoya sûcên kuştin û şer li herêma bêçek eşkere kir.

Li gorî wê, di meha Mijdarê de li herêma bêçek 62 kes hatin kuştin.

Ji wan 34 leşkerên hikumetê, 11 çete û 17 sivîl in.

Back to top button