Piştî çend seatan em ê derbasî sala nû, sala 2024’an bibin.
Bi armaca pîrozkirina vê salê gelek peyam hatin dayîn ji aliyê MSD’ê û Rêveberiya Xweser ve jî hatin dayîn.
Di peyaman de hate gotin: “Hêviya me ew e ku ev sal bibe sala azadî û demokrasiya tevahî gelan.”
Bi boneya sala 2024 gelek peyamên pîrozbahiyê hatin dayîn û sala nû li tevahî gelên Cîhanê hate pîrozkirin.
Meclisa Sûriya Demokratîk MSD’ê bi boneya Cenja Neolê û sersala nû daxuyaniyek da.
MSD’ê hêvî kir ku gelê Sûriyê di nav aştî û ewlehiyê de be û pêşketinê bîne.
MSD’ê ji bo avakirina paşerojeke baştir bang li her kesî kir ku ji bo guhertineke giştî û yekîtiyê kar bike.
Dawiyê MSD’ê sersala nû li Hêzên Demokrtîkî ên li Sûriyê û Cîhanê pîroz kir û hêvî kir ku aloziya li Sûriyê bi dawî bibe û got: “Hêvî dikin ev sal bibe sala vegera gelê Sûriyê li ser xaka xwe û sala azadî, wekhevî, pirrengî û edaletê.”
Rêveberiya Xweser bi peyamekê sala nû li gelê Cîhanê pîroz kir
Rêveberiya Xweser a Bakur û Rojhilatê Sûriyê jî bi heman armancê peyamek weşand.
Rêveberiya Xweser got: “Pêkhateyên herêmê ji bo parastina destkeftî aramî û ewlehiya herêma xwe hewldaneke mezin dane û hemû planên ku ji bo peydakirina alozî û nakokiyên hundirîn hatin kirin têk birin.
Van pêkhateyan bi hev re li ser bingeha hevkarî û demokrasiyê saleke tijî zehmetî qedandin û xwe niha bi hev re ji saleke nû re amade dikin.”
Rêveberiya Xweser Cejna Neolê û sersala nû li hemû gelê Sûriyê pîroz kir û wiha pê de çû:
“Em êşa şehîdên xwe yên sivîl ên ku di encama êrişên dewleta Tirk a xayîn de şehîd bûne, tînin ziman.
Teqez dikin ku yekrêziya gelê me dê bibe rêya rêgirtina li van êrişan û pûçkirina wan.
Her wiha bang li hemû gelê Sûriyê dikin ku ji bo sala nû bibe sala yekkirina ronahiya niştîmanî kar bikin û dagirkeriyê têk bibin.
Rêveberiya Xweser dawiyê banga aktîvkirina rêya çareseriya siyasî û destpêkirina diyalogê li ser esasê hevpariya niştimanî û avakirina Sûriyeke nû, demokratîk û nenavendî kir.
