Li gor çapemeniya Îsraîlê Hamasê bi navbeynkariya Qeter û Misrê peymaneke nû ya pevguhertina girtiyan ji Îsraîlê re pêşniyar kiriye, lê rêveberiya Tel Avîvê ev pêşniyar red kiriye.
Îro saetên şevê Kabîneya Şer û Ewlehiyê yê Îsraîlê bi serokatiya Binyamîn Netanyahu li hev bicivin.
Li gor çapemeniya Îsraîlê di civînê de wê ‘Plana Xezayê’ were nîqaşkirin.
Artêşa Îsraîlê doh ragihandibû dibe ku şerê li Xezayê di tevahiya 2024’an de dewam bike
Çapemeniya Îsraîlê diyar kir ku Hamas ji bo pevguhertina dîl û girtiyan amadeye ku danûstandinan bike.
Li gor çapemeniyê Hemasê planeke sê rehendan pêşkeş kiriye.
Di vê rehendê de Hemas pêşniyar dike Îsraîl li Xezayê hêzên xwe bikişîne û wê 40 dîlên di destê xwe de berde.
Dema ku ev sê rehendên Hemasê pêk were wê şer bi dawî bibe.
Her wiha di nûçeyên çapemeniyê de hat ragihandin kabîneya şer a Îsraîlê pêşniyarê hemasê nîqaş kiriye, lê belê red kiriye.
Dîlên Îsraîlî di destê Hemasê de
Hemasê di êrîşa 7’ê Cotmehê de hejmarek zêde Îsraîlî dîl girtibû.
Di pêvajoya agirbestê de 81 dîlên Îsraîlî û 240 girtiyên Fîlîstînî serbest hatibû berdan.
Li gorî Îsraîlê hîna li Xezayê 129 Îsraîlî di destê Hemasê de dîl girtiye.
Kabîneya şer û ewlehiyê yê Îsraîl wê ”Plana Xezayê” nîqaş bikin
Îro saetên şevê Kabîneya Şer û Ewlehiyê yê Îsraîlê bi serokatiya Binyamîn Netanyahu li hev bicivin.
Li gor çapemeniya Îsraîlê di civînê de wê ‘Plana Xezayê’ were nîqaşkirin.
Piştî êrîşan li Meclisa Îsraîlê jî wê konferansek li ser Plana Xezayê were lidarxistin.
Her wiha ev civînên li Îsraîlê beriya serdana Wezîrê Karên Derve yê Amerîkayê Antony Blinken pêk tên.
Artêşa Îsraîlê: Dibe ku şerê li Xezayê di dirêjahiya 2024’an de bidome
Artêşa Îsraîlê doh ragihand dibe ku şerê li Xezayê di tevahiya 2024’an de dewam bike.
Hegarî destnîşan kir ji bo ji nû ve birêxistinkirinê hin leşker wê werin vekişandin.
Danîel Hagarî da zanîn ku artêşa Îsraîlê wê pêşwext plansaziyan bike û got:
“Hin yekîneyên yedek wê vê hefteyê werin vekişandin da ku beriya operasyonên rojên pêş enerjiya xwe ji nû ve kom bikin.”
