Çalakiya greva birçîbûnê ya dîlgirtiyên siyasî di girtîgehên Bakurê Kurdistanê û Tirkiyê de, di roja 38’an de didome.
Dîlgirtiyê nexweş Mehmed Alî Ugur got:
”Di girtîgehê de îşkence heye.
Rewşa nebaş e, xwarin tune, pirtûkên me desteser dikin û êrişî me dikin.”
Li girtîgehên Tirkiyê û bakurê Kurdistanê roj bi roj binpêkirin zêdetir dibin.
Yek ji girtîgehên ku herî zêde binpêkirinên mafan lê tên kirin jî Girtîgeha Tîpa L a Panos a Agiriyê ye.
Herî dawî dîlgirtiyê nexweş Mehmet Alî Ugur, bi telefonê li gel dayîka xwe axivî.
Mehmet Alî Ugurû got ku binpêkirinên li girtîgehan gihîştine asta herî bilind.
Dayika dilgirtiyê nexweş Mehmet: Rewşa kurê min nebaş e divê were berdan
Dayika Mehmed, Gulistan Demîr jî têkildarî rewşa kurê axivî.
Gulistan Demîr, diyar kir ku di hevdîtinê de kurê wê jê re gotiye ku ew di şert û mercên giran de têdikoşin û wiha dewam kir:
Li vir jiyan nîne, pêwîstiyên jiyanî nadin heta pirtûkên me desteser kirin ta ku em nexwînin.’
Hevalên wî bi giştî di greva birçîbûnê de ye, lê ew ji ber nexweşiya xwe tev li çalakiyê nebû.
Rewşa Kurê min ne başe ez daxwaza berdana wî û hevalên wî dikin.”
Dayika dilgirtiyê nexweş Mehmet: Divê xwedî li girtiyan derkevin
Dayika Mehmed destnîşan kir ku dema diçin hevdîtinê pir tên bisînorkirin û wiha anî ziman:
“Ez 2 meh beriya niha ji bo hevdîtinê çûm girtîgehê.
Dema ez diçim ji bo hevdîtin ji bilî 20 deqeyan nahêlin em hev bibînin, û nahêlin em rehetî biaxivin.
Gelek zor û zehmetî li wir heye, me ji vê dewletê aramî nedîtiye.
Banga min ji her kesî re ew e ku xwedî li girtiyan derbikevin û dengê wan bibihîzin.”
“Saziyên erkdar ji bo dawî li Greva Birçîbûnê bê anîn, tu gav neavêtine”
