Rêveberiya Xweseriya Demokratîk a Kantona Cizîrê salvegera 10’an a damezirandina xwe pîroz kir.
Rêveberiyê destnîşan kir ku bi saya vîn û berxwedana gelê herêmê hewldan û siyasetên dijminane yên dewleta Tirk û amûrên wê, bi bin ketin.
PYD’ê jî got, modela Rrêveberiya Xweser kilîta çareserkirina aloziyê ye.
Rêveberiya Xweseriya Demokratîk a kantona Cizîrê bi boneysa salvegera 10’an a damezirandina xwe ku 21’ê Çileyê ye, daxuyaniyek nivîskî weşand.
Rêveberiyê despêkê salvegera damezirandinê li gel û malbatên şehîdan pîroz kir û wiha got:
“Em derbasî pêvajoyeke nû ya têkoşînê dibin. Di vê pêvajoyê de divê em destkeftiyên şoreşa xwe biparêzin û pêş bixin. Di vê rêveberiyê de her kes bi vîna xwe dikare herêmên xwe birêve bibe û biparêze.”
Rêveberiyê diyar kir ku rêveberiyên li kantona Cizîrî, Kobanê û Efrînê hatin damezirandin ji bo Sûriye û herêmê bû modela çareseriya demokratîk.
Di dewama daxuyaniyê de wiha hate gotin:
Ev rêveberiya hatiye avakirin û heta îro li dar e, her tim di pêşketinê de ye, xwe spart xwe û şiyanên xwecih a rêveberiya gel.
Bi pêşengiya jina zana û bi vîneke xurt a ciwanan xeta sêyemîn pejirand.
Em di dema ku salvegera 10’an pîroz dikin, careke din teqez dikin ku berxwedana me ji bo tunekirina dagirkeriya Tirk a li ser herêmên û vegera koçberan li warên xwe, berdewam e.
Rêveberiya Xweser daxuyaniya xwe wiha bi dawî kir:
Em careke din ji gelê xwe re piştrast dikin ku di vê pêvajoyê de ji me tê xwestin ku em tunekirina dagirkeriyê û terorê bînin cih.
Bi hev re bi rêya hevpeymana civakî rêveberiya xwe pêş bixin ji ber ku ev hevpeyman xebatên rêveberî, sazûmanî ya civakî bi awayekî berçav bi pêş dixe û ji bo destûra Sûriyeyê bingeh e.”
PYD: Modela Rêveberiya Xweser kilîta çareserkirina aloziyê ye
Partiya Yekitiya Demokratîk (PYD) bi heman armancê daxuyaniyek da û ev roj li gelên herêmê pîroz kir.
PYD’ê destnîşan kir ku modela Rêveberiya Xweser kilîta çareserkirina aloziyê û piraniya dozên herêmê ye û mafên gelên Sûriyeyê dabîn dike.
