Li Xezayê şer bi dijarî didome û bîlançoya wê her roj giran dibe.
Leşkerên Îsraîlê jî berê xwe dane nava tûnelên bin erdê yên Hemasê.
Serokwezîrê Îsraîlê Netanhayû diyar kir ew peymaneke agirbestê ya ku wê bibe sedema berdana bi hezaran Filistîniyan qebûl nakin.
Serokê Filistînê Mehmûd Ebas jî eşkere kir ku ew destûrê nadin plana veqetandina Xezayê ya ji Şerîa Rojava.
Şerê li Xezayê bi dijwarî didome û artêşa Îsraîlê jî berê xwe daye tûnelên bin erdê yên Hemasê.
Artêşa Îsraîlê duh ragihand, ji bo rawestandina êrişên Hemasê wan dest pê kiriye avê berdidin tûnelên li nava Xezayê.
Leşkerên Îsraîlê ketin nava tûnelekê û bi rêya frekansê radyoyê peyam ji dîl girtiyên Îsraîlî yên di destê Hemasê de şandin.
Leşkeran pêşî radyo li tûnelên bin erdê bi cih kirin û paşê jî sînyal dan Wezareta Ragihandinê ya Îsraîlê ya li Tel Avîvê.
“Em agirbesta ku wê bibe sedema berdana bi hezaran Filistîniyan qebûl nakin”
Niqaşê derbarê ragihandina agirbesteke li Xezayî jî didomin.
Serokwezîrê Îsraîlê Binyamîn Netanyahû duh li ser mijarê daxuyanî da.
Netanhayû diyar kir ew peymaneke agirbestê ya ku wê bibe sedema berdana bi hezaran Filistîniyan qebûl nakin û wiha got,
“Xetên me yên sor hene. Em şer bi dawî nakin, artêşa xwe ji Xezayê venakişînin û bi hezaran terorîstan serbest bernadin.”
Ebas: Em destûrê nadin plana veqetandina Xezayê ya ji Şerîa Rojava
Serokê Filistînê Mehmûd Ebas jî eşkere kir ku ew destûrê nadin plana veqetandina Xezayê ya ji Şerîa Rojava.
Li gorî dezgehên ragihandinê yên Filistînê Mehmûd Ebas li navenda serokatiyê ya li Ramallahê bi endamên tevgera Fetih re li hev civiyan û têkildarî rewşa Xezayê û planên Netanyahû de daxuyanî da.
Ebas wiha got,
“Pozîsyona me diyar e û daxwazên me ew e ku, agirbest bê ragihandin, hêzên dagirker yên Îsraîlê ji tevahiya Xezayê vekişin, alîkariyên mirovî ji bo Xezayê bê zêdekirin û pêşîlêgirtina derxistina Filistiniyan ji xaka wan e.”
Hemas: Li Xezayê cenazeyên 30 Filistîniyên çavên wan girêdayî hatin dîtin
Li aliyê din Hemasê bi daxuyaniyekê ragihand ku li dibistaneke Beyt Lahiye ya li bakurê Şerîda Xezayê cenazeyên 30 Filistiniyên ku çavên wan girêdayî bûn hatine dîtin.
Hat diyar kirin ev buyer ji aliyê Rêxistina Dîlgirtiyan ya Filistînê ve hatiye belge kirin.
Hemasê bang rêxistinên mafên mirovan kir ku vî sûcê Îsraîlê belger bikin.
