Li Fransayê, çalakiyên cotkaran ên ji bo mafê xwe encam girt.
Serokwezîrê Fransayê Gabrîel Attal di çarçoveya tedbîran de ji bo cotkaran piştgiriya 150 mîlyon euro ragihand.
Piştî daxuyaniya Serokwezîr, Yekîtiya Cotkarên Ciwan bang li cotkaran kir ku çalakiyên xwe yên girtina rêyan rawestînin.
Serokwezîrê Fransayê Gabriel Attal di çarçoveya xwepêşandanên cotkaran ên li welêt de, tedbîrên nû yên hikûmetê ji bo rakirina nerazîbûnên di sektora çandiniyê de ragihand.
Gabrile Attal ji bo cotkarên Fransî yên ku ji polîtîkayên hawirdorê yên Yekîtiya Ewropayê (YE) û reqabeta ne adil gazinan dikin re peyama “Em bi we re ne” da.
Attal bal kişand ku peymana bazirganiyê ya di navbera welatên Sûka Hevpar MERCOSUR (merkosur) a Amerîkaya Başûr û YE (Yekîtiya Ewropayê)’yê da tê plankirin û got:
“Wê ji bo cotkarên Fransî bibe sedema pêşbirka neheq û pêkane e ku Fransa vê peymanê qebûl bike.”
Ji bo başkirina şert û mercên civakî û aborî yên cotkaran Serokwezîrê Fransayê Attal pakêta piştgiriyê ya 150 mîlyon Euroyî ragihand
Gabrîel Attak destnîşan kir ku ew ê li Senatoyê pêşnûmeqanûnek bi mebesta “parastina” cotkarên Fransî li hember hilberên ku ji welatên cîran têne îthalkirin, dest bi xebatê bikin.
Yekîtiya Cotkarên Ciwan banga bidawîkirina çalakiyan kir
Piştî ragihandina Attal ya ji bo piştgiriyê, Yekîtiya Cotkarên Ciwan bang li endamên xwe kir ku “rêbaza xwe ya çalakiyê biguherînin”.
Sendîka, ji cotkarên ku bi rojan e bi traktorên xwe rêyên ketin û derketina girtine, xwest ku rê bidin herikîna trafîkê.
Cotkar ji piştgiriya gel kêfxweş in
Serokê Sendîkaya herî mezin a cotkaran FNSEA’yê Arnaud Rousseau jî têkildar mijarê daxuyaniyek çapemeniyê da.
Arnaud Rousseau (Arnod Rûso) destnîşan kir ji destpêka protestoyan heta niha gelek peyamên piştgirîyê wergirtine û ew ji piştgirîya ku gel daye wan kêfxweş in.
Rousseau got, ew “cara yekem e ku piştgirîya gelêrî ya bi vî rengî hîs dikin” û ev yek biryardariya cotkarên Fransî xurtir dike.
Cotkarên li çar aliyê welêt li gelek bajarên wekî Toulouse(Tulus), Agen, Beauvais (Bovîs) û Rennesê (Rens) dahata xwe ya kêm û polîtîkaya çandiniyê ya hikûmetê protesto dikin.
Cotkar ji bo ku hikûmet guh bide daxwazên wan bi rojan e bi traktorên xwe rê û otoban digirin.
