Çalakvana femînîst a Hindistanî Abha Bhaiya, Rêber Apo weke lîderekî femînîst pênase kir û got: “Abdullah Ocalan dikare lîderiyê ji cîhaneke cuda re bike.”
Di asta cîhanê de jin ji ber fikrê Rêber Apo li wî xwedî derdikevin û ji bo azadiya wî di nav çalakiyan de ne.
Yek ji kesên ku li ber tecrîda giran a li Îmraliyê radibe û daxwaziya azadiya Rêber Apo dike, çalakvana femînîst a Hindistanî Abha Bhaiya ye.
Abha têkildarî girîngiya azadiya Rêber Apo û paradîgmaya wî ji ANF’ê re axivî.
Pêşenga femînîst Abha Bhaiya destpêka axaftinên xwe de bal kişand ser girîngiya paradîgmaya Rêber Abdullah Ocalan.
Abha Bhaiya diyarkir ku ji bo ji holê rakirina sîstema kapîtalîst a li ser civakan paradîgma Rêber Apo gelekî girînge û got: “Fikrên Abdullah Ocalan ji bo demokrasî û wekheviyê paradîgmayeke nû pêşkêş dike.”
“Rêber Apo modeleke îdarî ya cuda pêşkêş dike”
Abha Bahiya da xuyakirin ku Rêber Apo şêwazeke cuda ya rêveberiyê pêşkêş dike û wiha got:
“Abdullah Ocalan modeleke îdarî ya ku bi tevahî ji modelên rêveberiya heyî cudatir pêşkêş dike.
Îro 22 herêm di nava şer de ne.
Li dijî vê hişmendiyê Abdullah Ocalan pergala modernîteya demokratîk pêşxist û li dijî şaristaniya kapîtalîst derket.
Divê em cîhanek baş ava bikin da ku ji bo mafê mirovan bi awayekî adil û birûmet bê parastin.”
“Ji bo azadiya Rêber Apo divê em le ser heman platformê bicivin”
Abha Bahiya da zanîn ku gelek tişt hene ku tevgerên femînîst ên cîhanî dikarin ji tevgera jinên Kurd a bi pêşengiya Rêber Apo hîn bibin û got:
“Çi komên mafên mirovan be yan jî hawir-dorparêz be, divê em kesên têkoşer bi hev re çi bikin.
Em hemû dikarin ji bo azadiya Ocalan li ser heman platformê û bi heman dengî bên gel hev.
Bi vî awayî em dikarin bihêlin tevgera femînîst a Kurdistanê rê nîşanî me bide.”
“Divê Rêber Apo azad bibe û dengê wî careke din bilid bibe”
Pêşenga femînîst Abha Bhaiya anî ziman ku Rêber Apo dibîne ku sîstem û şaristaniya heyî li ser kolekirina jinê ava bûye û ev nirxandin kir:
Gotina herî girîng a Ocalan ku bi rastî jî bandoreke mezin li min kir, ew e ku dibêje; tevgerên femînîst parçeyek ji têkoşîna ji bo tevgerên hîn mezin e.
“Dibîne ku sîstem û şaristaniya heyî li ser kolekirina jinê ava bûye Heta ku ev koletî ji holê neyê rakirin wê ev şaristanî (şaristaniya kapîtalîst) dewam bike.
Ocalan dikare Rêbertiye ji sîstemeke cuda ya cîhanê re bike, jê re lîdertiyê jî dike.
Divê Ocalan azad bibe, divê dengê wî dîsa bilind bibe û bêje: ‘Em aydî vê cîhanê ne û ev cîhan jî ya me ye’.”
