Îro li bajarê Dêrikê dewleta Tirk a dagirker, 4 erebeyên welatiyan û hêzên Asayşê bombebaran kirin.
Di êrişên dagirkeriyê de 3 endamên Asayîşa Sotoro şehîd bûn.
Û nêzî 10 welatî jî di van êrişan de birîndar bûn.
Dîse li dijî erebyên welatiyan û hêzên ewlekariya herêmê êrişên dagirkeriya Tirk pêk hatin.
Di seatên sibehê de, dewleta Tirk a dagirker li bajarê Dêrikê 3 erebe, dema ketina bajêr kirin armanc û bombebaran kir.
Di bombebarana dagirkeriyê de, ji bilî zirarên madî şehîd û birîndar çêbûn.
Navenda Meclisa Leşkerî ya Suryan ragihand ku di êrişa dewleta Tirk a dagirker li ser bajarê Dêrikê de 3 endamên hêzên Sotoroyê şehîd bûne.
Li gorî daxuyaniyê nasnameyên şehîdan wiha ne:
Şerbil Neîm Somî, Cemîl Hena Hena û Mizefar Mihemed Mihemed.
Meclisê diyar kir ku 2 endamên din ên bi navên Corc Şîmo Yuhena û Danî Semîr Xelef birîndar bûn.
Her wiha nûçegihana me, navên 3 birîndaran din ku bidest xistin rangihand.
Li gorî wê,
Heyder Rustem (16), Reşîd Salih Omer Emro (49) û Mihemed Emîn Îsmaîl (51).
Piştî bombebarana 3 erebeyan, dewleta Tirk li gundê Wankê yê heman bajarî erebeyeke din kir hedef.
Birîndarên êrişan li nexweşxaneyên bajarê Dêrik û Qamişlo tên dermankirin.
Ji dawiya 2023’an ve dewleta Tirk pêla êrişê nû a qirekirinê li ser herêmê daye despêkirin.
Di encama êrişên wê yên li ser binesazî, navendên xizmetguzarî, nexweşxane, dibistan, navendên tenduristiyê, nuqteyên petrolê, stasyonên elektirîkê û malan de 9 welatî şehîd û bi dehan jî birîndar bûn.
Ji wê demê ve heta niha li herêmê pirsgirêkên pêdiviyên jiyanî di warê elektirîk, sotemenî û avê de derketiye.
https://youtu.be/BNchKGXqxG4
