Endama Desteya Serokatiyê ya Partiya Yekîtiya Demokratîk-PYD’ê Foza Yûsif derbarê hevpeymana civakî de diyar kir ku wê di mehên pêş de xebatên amadekirina hevpeymana jin a Bakûr û Rojhilatê Surî bên destpêkirin.
Endama Desteya Serokatiyê ya Partiya Yekîtiya Demokratîk (PYD) Foza Yûsif derbarê girîngiya hevpeymana civakî ya ji bo jinan û amadekariyên çêkirina hevpeymana jinê de axivî.
Foza Yûsif hevpeymana civakî ji bo jinan wekî “gaveke gelekî girîng” nirxand.
Foza Yûsif: Li hemberî pergala mêr pergala jin wê bê avakirin
Foza Yûsif destnîşan kir ku li cîhanê pergara desthilatdar ya mêr serwer û li hember wê jî divê wekî jin pergala xwa ava bikin.
Foza Yûsif debarê pergala ku di çarçoveya Hevpeyman Jin de were avakirin ev nirxandin kir:
“Ev wê pergaleke demokratîk, ekolojîk, konfederal be ku hemû pêkhate bi awayekî azad karibin jiyana xwe bi rêve bibin.
Peymana civakî rêya vê vekir, ev gava yekemîn a destpêkirina avakirina pergala jin e.”
Foza Yûsif: Avakirina rergala jin ji bo misogerkirina mafê jinê ye
Foza Yûsif da zanîn ku ew amadekariyên hevpeymana jinê a ku Hevpeymana Civakî de weke xalek hatiye diyarkirin, dikin û ev agahî da:
“Li gorî hevpeymana civakî divê sîstema konfederal a jin ji niha şûnde bê birêxistinkirin û peymana civakî ya jin bê nivîsandin.
Heger em wekî jin peymana azadiyê di nav xwe de ava nekin em nikarin mafê xwe bi zilam jî bidin qebûlkirin.
Ji bo mîsogerkirina mafên xwe jî divê em pergala jin ava bikin û li gorî nîqaşan wê di mehên pêşî de ev gav bê avêtin.”
Foza Yûsif, anî ziman ku ger li Rojavayê Kurdistanê pergala jin bi temamî bê avakirin wê bibe gavek ji bo Konfederalîzma Demokratik a Jin a Cîhanê û got:
“Divê em di avakirina pergala jin a cîhanê de roleke pêşeng bilîzin û bibin mînak.”
Foza Yûsif: Em’ê 8’ê Adara 2024 bikin pêvajoya pergala jinê
Foza Yûsif diyar kir ku ew ê 8’ê Adara 2024 bikin pêvajoya destpêka avakirina pergala jinê û ev bang kir:
“Banga min ji bo tevahî jinan ew e ku em hemû qadên jiyanê bikin qadên berxwedanê.
Bi her awayî dengê xwe li dijî zilmê, zayendperestiyê, zordariyê bilind bikin.”
Meclisa Gelan Qanûna Dadgeha Parastina Hevpeymana Civakî derxist
