Rêxistina Tenduristiyê ya Cîhanê (WHO) hişyarî da ku heger destewerdanek neyê kirin dê li Şerîda Xezayê xelayê rû bide.
Her wiha Koordînatorê Alîkariya Însanî ya Neteweyên Yekbûyî (NY) ya ji bo Filistînê Jamie McGoldrick anî ziman ku her êrîşeke Îsraîlê li ser Refahê dê belavkirina alîkariyê li Xezayê asteng bike.
Rêxistina Tenduristiyê ya Cîhanê (WHO) hişyarî da ku li Şerîda Xezayê xelayê li ber çavan e.
Rêxistinê diyar kir ku tê pêşbînîkirin ku zêdeyî milyonek kes bi birçîbûnê re rû bi rû bimînin heya ku alîkariya zêde neyê dayîn.
Li gorî nûçeya Alem el-Erebî (AWP) , di daxuyaniya ku duh bi şev ji aliyê WHO ve hatiye dayîn de wiha hat gotin:
“Li Şerîda Xezayê mirov dimirin û gelek nexweş hene.
Heya ku destûr neyê dayîn ku pêdiviyên jiyanî nekevin Xezayê dê zêdetirî milyonek mirov bimirin.”
Rêxistina Tenduristiyê ya Cîhanê hişyarî da ku rewşa heyî dê bandorên demdirêj li ser jiyan û tenduristiya bi hezaran mirovên li Xezayê bike.
Rêxistina Tenduristiyê bang li Îsraîl kir ku destûr bide deriyan bê vekirin û lezê bide ketina av, xwarin û pêdiviyên tenduristiyê bo Xezayê.
NY: Êrîşên li ser Refahê dê alîkariya li Xezayê asteng bike
Koordînatorê Alîkariya Însanî ya Neteweyên Yekbûyî (NY) ya ji bo Filistînê Jamie McGoldrick anî ziman ku her êrîşeke Îsraîlê li ser Refahê dê belavkirina alîkariyê li Xezayê asteng bike.
McGoldrick di civîna çapemeniyê ya ku duh li ser înternetê beşdar bû de diyar kir ku Ofîsa Koordînasyona Karên Mirovî ya Neteweyên Yekbûyî (OCHA) ji ber şert û mercên ne diyar nikare alîkariyê ji bo Xezeyê plan bike.
Rayedarê Neteweyên Yekbûyî di berdewamiya daxuyaniya xwe de wiha got;
“Ji bo me senaryoyek bi rastî dijwar e ku em texmîn bikin ku îxtîmala ku bi sed hezaran kes ji ber êrîşê ji Refahê derkevin.
Em ne di rewşek ku ji berê de stargeh, malzeme, erzaq, malzemeyên tibbî û bi taybetî jî av peyda bikin.”
Serokwezîrê Îsraîlê Benjamin Netanyahu diyar kir ku tevî bangên navneteweyî yên ji bo rawestandina operasyona leşkerî ew ê plana xwe ya ji bo dagirkirina Refahê ya li başûrê Şerîda Xezayê bidomînin.
Zêdeyî nîvê nifûsa 2,3 milyonî ya Şerîda Xezayê ku ji ber êrîşa Îsraîlê reviyan, li vir di konan de dijîn.
Kêmbûna xwarinê ya giran li hin deverên Şerîda Gazayê asta birçîbûnê derbas kiriye û mirina girseyî nêzîk e.
Îsraîl êrîşî li herêmên cûda yê Refahê kir: 14 kes hat kuştin
