Endamê Komîteya Rêveber a PKK’ê Mûrat Karayilan, ji bo hilbijartinan Bang li gelê Botan û Riha yê kir û got:”Divê gelê me yê Riha û Botanê encamên baş ji hilbajartinan derxînin.”
Endamê Komîteya Rêveber a PKK’ê Mûrat Karayilan hilbijartinên xwecihî yên 31’ê Adarê ji radyoya Dengê Gel re nirxand.
Mûrat Karayilan di despêka nirxandinê xwe de li ser hilbijartinan axivî û got:
“Her çend ev hilbijartin, hilbijartinên xwecihî jî be, ev hilbijartin wê di diyarkirina siyasetê de roleke girîng bilîze.”
Mûrat Karayilan: Divê gelê me yê Riha yê rastiya Rêber Apo re xwe pêş bixe
Karayilan li ser bajarê Riha yê jî nirxandin kir û wiha got:
“Gelek kes dibêjin ku ev bajar, bajarekî dîrokî ye û bajarê pêxemberan e. Rêber Apo li ser van axan mezin bûyê û bû Rêberê kurdistanê. Ev ji bo gelê Rihayê şanazî û serbilindî ye.
Madem îro li seranserê cîhanê mirov dixwazin fikrên Rêber Apo hîn bibin û li gorî fikrên wî li cîhanê binêrin, çima gelê me yê Rihayê ji vê yekê sûd wernegire û ji vê yekê dûr bimîne! Ev ê bibe nakokî. Hewce ye gelê me yê Rihayê jî rastiya Rêber Apo bibîne û bi fikr û ramanên Rêber Apo xwe pêş bixe.”
“Em hêvî dikin ku vê carê li Rihayê wê welatparêzî û demokrasî bi ser bikeve”
Fermandar Mûrat Karayilan bang li gelê Riha yê kir û ew tişt got:
“Banga min ji welatparêzên Rihayê yên hêja, jinên Kurd, ciwanên Kurd û kedkaran re ye: Di vê serdemê de pir hesas bin; Gelekî bi hêz tevbigerin. Her çend ji hilbijartinan re demeke kurt jî mabe, bi serkeftinê bawer bikin û li gorî wê li ber xwe bidin. Em hêvî dikin ku vê carê li Rihayê wê welatparêzî û demokrasî bi ser bikeve. Êdî welatparêz û namzet li Rihayê wê bi rastî jî encamên baş bi dest bixin û bi vî awayî li herêma Rihayê têkoşîna azadî û demokrasiyê mezintir bibe.”
Mûrat Karayilan: Şirnex keleha welatparêziyê ye
Mûrat Karayilan ji bo Botanê jî diyar ki ku warê Egîdane û got:
“Şirnex navenda Botanê ye. Botan jî di Têkoşîna Azadiya Kurdistanê de xwedî rol û mîsyoneke mezin e.
Şirnex keleha welatparêziyê ye.Warê Egîdan e.
Ji bo vê dewleta Tirk dixwaze bi destê hin kesan vê kelehê bi dest bixe.
Ji ber wê ye ku bi hezaran dengên sexte ji derve vediguhêze Şirnexê û dixwaze vê kelehê bi dest bixe. Ev neheqî ye.
Bi taybet jî hewce ye gelê me yê Botanê, jin, mêr, ciwan, kedkar û her kesê ku li ser vê xaka pîroz dijîn, li gorî nirxên xwe û dîroka axa xwe tevbigere.”
DEM Partî ji du baskan ve hevdîtinên bi gel re da destpêkirin
