Sudanê ji ber şerê navxweyî êrîş didomin.
Herî dawî li gundekî li rojhilatê Sudana Başûr êrîş pêk hat û di vê êrîşê de 12 kes hatin kuştin.
Her wiha piştî êrîşê jî 15 zarok winda bûn û çarenûsa wan nayê zanîn.
Îsal li bakur û rojavayê Başûrê Sûdanê di pevçûnên di navbera ‘komên dijber’ de zêdeyî 150 kesan jiyana xwe ji dest dan.
Di êrîşeke li gundekî li rojhilatê Sûdana Başûr de herî kêm 12 kes hatin kuştin.
Rayedaran agahiya ku 15 zarok winda ne parve kirin.
Di şerê navxweyî yê ku di navbera salên 2013-2018’an de dewam kir de li herêmê bi sed hezaran kesî jiyana xwe ji dest dan.
Her çend aliyên şer ji wê demê ve aştî pêk anîne jî, nakokiyên di navbera komên çekdar de berdewam dikin.
Êrîşa dawî beriya hilbijartinên îsal pêk hat.
Tê bawer kirin ku zêdebûna tundûtûjiyê ya vê dawiyê bi helbijartinan ve girêdayî ye ku tê de dê serkirdeyên ku dê li şûna hikûmeta niha ya veguhêz werin hilbijartin, bêne destnîşankirin.
Piştî êrîşê 15 zarok winda bûn
Li gor nûçeya Reutersê Wezîrê Ragihandinê yê Herêma Îdarî ya Pibor a Mezin Îbrahîm Kelang anî ziman li gundê Ajwara yê herêma Pochallayê ciwanan êrîşek pêk anîn.
Kelang ji ajansê re axivî û got, “12 kes mirin û 10 kes jî birîndar bûn.”
Wezîr Kelang diyar kir ku piraniya kesên hatine qetilkirin temen mezin in.
Cîgirê Komîserê Pochalla Owety Olung jî diyar kir ku êrîşkar ji koma etnîkî ya Murle bûn û gumana revandina zarokan jî heye.
Li gorî agahiyên ku Olung ji Reutersê re parve kir, beriya niha 15 zarok winda bûne.
Olung got, “Em nizanin ew li ku ne, bi êrîşkaran re ne yan li daristanê ne.”
Piraniya nifûsa Pochalla ji koma etnîkî ya Anyuak pêk tê.
Pevçûn û bûyerên tundiyê dem bi dem di navbera koma etnîkî ya Murle û Anyuaks de, ku bi piranî li herêma Boma ya cîran dijîn, diqewimin.
Îsal li bakur û rojavayê Başûrê Sûdanê di pevçûnên di navbera ‘komên dijber’ de zêdeyî 150 kesan jiyana xwe ji dest dan.
