Hêzên Asayişê yên dijî madeyên narotîkê bi operasyoneke din ya tayîbet bazirganekî madeyên narkotîkê li Tebqa girt.
Bazirganê hatî girtin, bi navê Malik Xidir Sihad e.
Bi vî bazirganî re 196 hezar û 745 hebên Keptagonê hatin desteserkirin.
Bazirgan Malik bi xwe jî li xwe mukur tê û dibêjê:
Min li herêmên hikumeta şamê dest bi bazirganiya madayên narkotîkê kir û xwest derbasî herêmê rêveberiya xweser bikin.
2 bazirgan jî li hesekê hatin girtin.
Hêzên Asayişê ji bo rêgirtina li ber belavbûna madyên narkotîkî û parastina civakê ji vê nexweşiyê her di nava xebatan de ye.
Rojana bi operasyonên tayîbet pazirgan, bikarhêner û belavkarên wê diger.
Herî dawiyê 30’ê Adarê roja Şemiyê hêzên dijî madeyên narkotik operasyoneke li dar xistin.
Navenda Ragihandinê ya Hêzên Asayişê têkildarî operasyonê daxuyaniyek da.
Hêzên Asayîşê diyar kir ku di encama lêgerîn û lêkolînan de, guman bi kesekî kirin ku madeyên narkotîk difiroşe.
Piştî liv û tevgera wî hat şopandin û agahî li ser tevlêbûna wî hatin desteserkirin hêzên me ketin nava tevgerê.
Li gor wê operasyoneke tayîbet li gundê Hinêde yê bajarê Tebqayê pêk anî.
Di encama operasyonê de, bazirganê bi navê Malik Xidir Şihade hat girtin û gelek madeyên pêre jî hatin desteser kirin.
Navendê diyar kir ku 196 hezar û 745 madeyên narkotik hatin dîtin.
Asayîş: Bi nazirgan re nêzî 200 hezar hebên Keptagon hatin girtin
Bazirgan Malik Xidir Şihade li xwe mukur hat û derbarê firotina madeyên narkotik û hebên Keptagon axivî û behsa tevîbûna xwe ya nava vê nexweşiyê kir.
“Dema derketina DAIŞ’ê Min dest bi firotina çixareyan kir.
Piştre kesê bi navê Ebû Nasir yê ji Bajarê Himsê ye ji min re behsa firotina narkotîk kir.
Ji min re got, bi me re kar bike, em ê pereyan bidin te.
Min li herêmên hikumeta şemê dest bi qaçaxçîtiya madeyên narokotîkê kir û ber bi herêmên Rêveberiya Xweser ev bazirganî domand.
Li bajarê Hesekê 2 bazirganên madeyên narkotîkê hatin girtin
Bi daxuyaniyekî din hêzên asayişê ragihand ku 2 bazirgan jî li bajarê Hesekê girtin.
Hêzên asayişê got, 31ê Adarê, Hêzên me yên dijî madeyên hişbir 2 kesên ku madeyên hişbir li bajarê Hesekê difiroşin girtin e.
Bi wan re madeyên narkotîk, pereyên sûrî, euro û dolar jî hatine desteserkirin.
Asayişê anî ziman ku bazirgan ji aliyên pêwendîdar re hatine şandin.
Dawiyê rêveberiya giştî ya dijî madeyên narkotîkê, bang li xelkên herêmê kir ku dema goman ji tiştekî nebaş kirin, wan agahdar bikin û ji bo ewlehiya xwe, civakekî saxlem hişyar bin û bi wan re alîkar bin.
