Li Almanyayê rêjeya Tawanê hate eşkerekirin.
Ji aliyê saziyên fermî ve nêzî 5 mîlyon 941 hezar bûyerên sûc hatine tomarkirin.
Her wiha par li Almanyayê bi qasî 923 hezar kesên biyanî wek gumanbar hatine qeydkirin.
Wezîra Karên Hundirîn Nancy Faeser zêdebûna rêjeya sûcên biyaniyên li welatê xwe dijîn nirxand.
Nancy Faeser diyar kir ku ji niha û pê ve ew ê li hemberî sûcdaran helwestek bi biryartir nîşan bidin û di pêkanînên dersînorkirinê de xeteke domdar bişopînin.
Li gorî statîstîkên polîsan ku her sal li Almanyayê bi rêkûpêk têne ragihandin, sala 2023 ji sala 2016’an vir ve sala herî zêde sûc lê tê kirin.
Bi giştî nêzî 5 milyon û 941 hezar bûyerên sûc ên ku ji aliyê saziyên fermî ve hatine tomarkirin li gorî sala 2022’an ji sedî 5,5 û li gorî sala 2019’an a sala dawî ya beriya belavbûna Koronayê ji sedî 9,3 zêde bûye.
Li gorî amarên ku li Berlînê ji aliyê Wezîra Karê Hundirîn ya Almanya Nancy Faeser û Serokê Dezgeha Polîsên Federal Holger Much ve hatin ragihandin.
Hat destnîşankirin ku di nav gumanbarên ku bi tawanan re têkildar in, bi taybetî kesên biyanî de zêdebûneke mezin heye.
Rêjeya welatiyên Elman ên di vê kategoriyê de li gorî sala 2022’an ji sedî 1 zêde bû û bi qasî 1 milyon û 320 hezarî; Zêdebûna biyaniyan ji sedî 17,8 hat diyarkirin.
Li Almanyayê 923 hezar kesên biyanî wek gumanbar hatine qeydkirin
Ev nîşan dide ku par li Almanyayê bi qasî 923 hezar kesên biyanî wek gumanbar hatine qeydkirin.
Di sala borî de jimara xortan, bi taybetî kesên biyanî, ku wek tohmetbar bi tawanên curbicur hatibûn tomarkirin, zêde bû.
Di sala 2023’yan de zêdetirî 104 hezar zarokên di bin 14 saliyê de wek gumanbar ketine statîstîkê.
Ev hejmar li gorî sala 2019’an ji sedî 43 zêde bûye.
Di nav ciwanên 14-18 salî de bi qasî 177 hezar kes hatine qeydkirin ku li gorî sala 2019’an ji sedî 17 zêde bûye.
Pisporên ku raporta pêwendîdar amade kirine, radigihînin ku rakirina qedexeyên ku di dema belavbûna vîrusa koronayê de hatine danîn yek ji wan faktorên ku di zêdebûna hejmara tawanan de rol dilîze.
Nancy Faeser: Yên quralan pêk neynin dê bên dersînorkirin
Wezîra Karên Hundirîn Nancy Faeser zêdebûna rêjeya sûcên biyaniyên li welatê xwe dijîn nirxand.
Nancy Faeser diyar kir ku ji niha û pê ve ew ê li hemberî sûcdaran helwestek bi biryartir nîşan bidin û di pêkanînên dersînorkirinê de xeteke domdar bişopînin.
Di civîna ku îstatîstîkên sûcên sala 2023’yan ên Elmanyayê bi raya giştî re hat parvekirin de Faeser axivî û got:
“Ti rewatiya tundiyê nîne. Yên quralan pêk neynin dê bên dersînorkirin.”
Ji aliyê din ve Faeser bal kişand ser girîngiya tedbîrên pêşîlêgirtinê ji bo kêmkirina bûyerên tawanan.
Nancy Faeser diyar kir ku divê kesên biyanî “ji berê pir zûtir” Almanyayê biterikînin û divê nîqaşên li ser sûcên ku biyaniyan kirine “bê şerm û pêşdarazî” bên kirin.
Faeser anî ziman ku tevî van hemû nakokiyan jî Elmanya “yek ji welatên herî ewledar ê cîhanê ye.”
