Lîderê olî yê Îranê Ayetullah Elî Xameney gef li Îsraîlê xwar.
Xameney di serî de êrîşa li ser konsulxaneya Îranê ya li Şamê de têkîldarî şerê Xezayê û piştgiriya hêzên navneteweyî bo Îsraîlê nirxandin kir.
Ayetullah Elî Xameney diyar kir ku êrîşa Îsraîlê ya li ser konsolxaneya Îranê ya li Şamê, tê wateya êrîşa li ser xaka wî welatî û got: “Rejîma xirab xeletiyek kir, divê were cezakirin û dê were cezakirin.”
Lîderê olî yê Îranê Ayetullah Elî Xameney derbarê êrîşên Îsraîlê û li ser helwestên hêzên navneteweyî axivî.
Li gor nûçeya ajansa fermî ya Îranê IRNA’yê, Xameneyî di xutbeya nimêja cejnê ya ku li Mizgefta Mezin a Musalla ya li paytext Tehranê hat kirin de jî bal kişand ser êrîşên Îsraîlê.
Xameney rexne li piştgiriya welatên rojavayî ji Îsraîlê re ku ev 187 roj in êrîşên xwe yên li ser Xezayê didomîne, kir û got:
“Hikûmetên rojavayî bi salan e piştgirî didin rejîma dagirker û di nava derdorên navneteweyî de her cure alîkariyê didin wê.
Helbet hinek ji wan bi devkî ji bo piştgiriya xelkê li Xezayê axivîn, lê di pratîkê de ne tenê pêşî li êrîşan negirtin, gelek ji wan jî alîkarî kirin.
Bi taybetî jî hikûmetên zalim ên Amerîka û Îngilîstanê.”
Xamaney: Xeletî kirin û divê werin cezakirin
Xameney bal kişand ku di êrîşên Îsraîlê yên li ser Şerîda Xezayê de kal, malbat, zarok û jin hatin kuştin û wiha got:
“Li ku derê ne yên ku bi stranên xwe yên xerîb ên li ser mafên mirovan dinyayê kerr kirin?
Ma Filîstînî ne mirov in û mafên wan tune ye?”
Lîderê olî yê Îranê Ayetullah Elî Xameney diyar kir ku êrîşa Îsraîlê ya li ser konsolxaneya Îranê ya li Şamê, tê wateya êrîşa li ser xaka wî welatî û wiha got:
“Konsulxane û nûnertiyên balyozxaneyan xaka wî welatî ne.
Dema êrîşî konsulxaneya me dikin, tê dîtin ku êrişî xaka me kirine û ev kevneşopiyeke navdewletî ye.
Rejîma xirab xeletiyek kir, divê were cezakirin û dê were cezakirin.”
Îsraîl di 1’ê Nîsanê de li Şamê êrîşeke hewayî li ser avahiya konsolosxaneya Îranê pêk anî.
Di êrîşê de 2 jê fermandar bi giştî 7 Pasdarên Şoreşa Îranê mirin.
Her wiha hat ragihandin ku di êrîşê de 6 Sûriyî jî jiyana xwe ji dest dane.
Îranê ragihand ku ew ê bi lez bersiva êrîşê bidin û Amerîka ji bûyerê berpirsyar dît.
