Şandek Rêveberiya Xweser li Nemsayê bi parlamentera Partiya Keskan a Nemsayê Eva Ernst re li avahiya parlamentê ya li paytext Viyanayê hevdîtinek pêk anî.
Di hevdîtinê de rewşa giştî Sûriyê û taybet Bakur û Rojhilatê sûriyê hat niqaşkirin.
Her wiha balhatkişandin ser êrîşên tirkiyê yên li dijî herêmê û zêdebûna xeteriya DAIŞ’ê.
Şanda Rêveberiya Xweser ji nûnerê Rêveberiya Xweser yê li Ewropayê Dr.Ebdulkerîm Omer, nûnera pêwendiyên Partiya Yekîtiya Demokratîk li Ewropayê Mezgîn Ehmed û nûnerê Rêveberiya Xweser yên Nemsayê Arî Milan pêk hat.
Her du aliyan li ser rewşa tevahiya Sûriyê û bi taybetî li Bakur û Rojhilatê Sûriyê û her wiha kêşeyên herî girîng ên ku rûbirûyê Rêveberiya Xweser li ser asta siyasî, mirovî, aborî û ewlekarî bûne, niqaşkirin.
Êrîşên Tirkiyê û zêdebûna xeteriya DAIŞ’ê hat niqaşkirin
Şandeyê bal kişand ser encamên şerê li Xezeyê ya li ser rewşa Bakur û Rojhilatê Sûriyê û amaje bi wê yekê kir ku dewleta Tirk ji elaqeya civaka navdewletî ya ji şerê Gazzeyê sûd werdigire û êrîşên xwe li ser herêmên rêveberiyê zêde dike.
Her wiha hate gotin, bi awayekî sîstematîk stasyonên elektrîk, gaz û avê kirin armanc, ji bilî sazî û dezgehên sivîl wek Çapxaneya Sîmav ku 8 endamên wê şehîd bûn.
Divê were zanîn ku berdewamiya van êrîşan bêguman wê ber bi pêlên nû yên koçberiyê ber bi Ewropayê ve biçe.
Şandiya rêveberiya Xwser bal kişand ser êrîşên dewleta Tirk yên dijî QSD’ê jî û wiha gotin:
Ji bilî Tirkiyê êrîşên Îranê yên li ser baregehên Emerîkayê, dibe sedema kêmbûna ewlehî û aramiyê li herêmên me.
Ji ber ku hêzên QSD`ê neçar in ku li hember van êrîşan parastina welatiyan bikin, ku ev yek dibe sedema afirandina valahiya ewlehiyê ku ji hêla şaneyên terorîst ên DAIŞ`ê ve tê bikar anîn. ”
Parlamenter Eva Ernst got: Êrîşên Tirkiyê û herwiha hewlên wê yên avakirina baregehên leşkerî di nava axa Sûriyê de, mijarên binpêkirina yasayên navdewletî ne.
Tevî ku Tirkiye endamê NATOyê ye û şirîkê Nemsayê ye jî, bi tena serê xwe tevdigere.
Em di Partiya Keskan de bang li Yekîtiya Ewropayê dikin ku êrîşên Tirkiyê yên li ser Bakur û Rojhilatê Sûriyê şermezar bike.
Her wiha bang li Yekîtiya Ewropayê jî dikin ku rasterast sûcên ku Tirkiyê li wir kirine lêkolîn bike.”
Eva Ernst nerazîbûna xwe li hember guhnedana civaka navdewletî ya li hember bangên Rêveberiya Xweser da û wiha dewam kir:
Venegerandina dewletan ya welatiyên xwe yên DAIŞ’î xetereyên mezine, ne tenê ji bo herêmên Rêveberiya Xweser lê ji bo tevahiya cîhanê.”
