Koordînasyonên PAJK û KJK’ê bi daxuyaniyek hevpar deklerasyonek dan û gotin: “Hegemoniya mêr bi Şerê Cîhanê yê 3’yan li dijî jinan şer dike.
Rêber Apo xweparastina jinê li gorî netewa demokratîk û perspektîfa konfederalîzma demokratîk pêş xistiye.
Îro li Kurdistanê, rojhilata navîn û tevahiya cîhanê pêdiviya sereke di çarçoveya felsefeya “Jin Jiyan Azadî” de îsyana xwe, pergala demokratîk û xweparastinê pêş bixin.
Em bang li hemû jinan dikin ku têkoşîna xweparastinê pêş bixin.”
Koordînasyonên Partiya Azadiya Jinên Kurdistan-PAJK û Komalên Jinên Kurdistan-KJK bi daxuyaniyek hevpar deklerasyonek dan.
PAJK û KJK’ê diyar kirin ku Şerê Cîhanê yê 3’yan şereke li dijî jinan û civakan tê meşandin û ev şer hîn nehatiye ragihandin, lê li dijî jin û civakê tê meşandin û gotin:
“Di vê rewşa aloz û krîzê de têkoşînek çiqas rêxistinkirî were meşandin, wê ewqasî serketinê pêk bîne.”
Li her qada jiyanê şerê sêyemîn ê cîhanê berfireh bûye û bûye krîzeke giştî.
Bingeha sereke ya vî şerî dijminatiya li jin, civak û xwezayê ye.”
PAJK Û KJK: Niha dem dema xweparastin û hevgirtinê ye
Koordînayonan anîn ziman ku jin li dijî vê rewşa aloz bûye pêşenga têkoşîna azadiyê û gotin:
“Berpirsiyariya me ew e ku em di armancên hevpar de xwe bikin yek û têkoşîna xweparastinê pêş bixin.
Heta ku xweparastin tune be, ne gengaze ku azadî û edalet pêş bikeve. Jina ku xwe bi rêve nebe nikare xwe biparêze.
Xweparastin pênaseya hebûnê ye û beyî wê jî nabe.
Em li dijî şerê mêtîngeran, şîdeta desthilatdariyê û sîlehên wan disekinin.”
Koordînayonan eşkere kirin ku Pergala desthilatdar şerê sêyemîn ê cîhanê pêş dixe û li dijî wê jî xweparastineke domdar û rêxistinbûyî lazim e û gotin
“Riya sereke ewe ku em pergala konfederal a demokratîk a jinê ava bikin.
Rêber Apo xweparastina jinê li gorî netewa demokratîk û perspektîfa konfederalîzma demokratîk pêş xistiye.
Em li seranserê Kurdistanê têkoşîna şoreşê ya jinê bi rêve dibin.
Em ê bi xweparstina jinê re dîroka xwe ji nû ve binivîsin.”
PAJK û KJK’ê herî dawî bang li tevahî jinan kir ku têkoşîna xweparastin û rêxistinkirinê bilind bikin û konfederalîzma demokratîk a jinan pêk bînin.
“Îro li Kurdistanê, rojhilata navîn û tevahiya cîhanê pêdiviya sereke di çarçoveya felsefeya “Jin Jiyan Azadî” de îsyana xwe, pergala demokratîk û xweparastinê pêş bixin.
Ev jî dengê xweparastinê û têkbirina mêrê hegemon e.
Divê em sedsala 21’ê veguherînin sedsala şoreşa jinê û ev jî dengê xweşikbûn, azadî û evîna rastî ye.
Divê ev deng qet bêdeng nebe û heta azadiya jin, civak û xwezayê mezin bibe.”
