Ukrayna ji bo li hember Rûsyayê biserbikeve hîna jî alîkariyên leşkerî daxwaz dike.
Welatên ewropî û her wiha welatên ku naxwazin biserkeve yan jî dixwazin lewaz bibe alîkarî dişînin Ukraynayê.
Ji wan welatan Almanyayê pergala hewayî ya patrîotan şand Ukraynayê û domandina piştgiriyê da.
Her wiha Rûsya jî hemleyên nû pêş dixe, leşkerên ji şer westiyayî diguherîne, leşkerên nû bihêz dike û li dijî Ukraynayê amade dike.
Almanya pergaleke hewayî ya Patrîotê bide Ukraynayê.
Piştî vê biryarê Serokkomar Vladimir Zelensky bang li dewletên din kir ku heman awayî mîna Almanyayê nêz bibin.
Zelensky diyar kir ku bi Serokwezîrê Almanya Olaf Scholz re hevdîtineke baş pêk hatiye û ji bo dayîna pergala hewayî ya patrîotan spasiya xwe ji Almanya re kir.
Her wiha Wezareta Parastinê ya Almanyayê Borîs Pîstorîûsjî daxuyaniyek da û got:
“Girêdayî zêdebûna êrîşên hewayî yên Rûsyayê hikumeta Almanyayê biryar da ku parastina hewayî ya Ukraynayê bihêz bike.”
Ji bo piştgiriya ji Ukraynayê re bê dayîn, em di warê amadebûna xwe ya operasyonê de heta ku em dikarin rewa bikin diçin.”
Zelensky: 500 saziyên pîşesaziya parastinê li Ukraynayê dixebitin
Di daxuyaniya Zelenskiy de hat gotin ku kompleksa leşkerî-pîşesaziyê ya ku niha li Ukraynayê dixebite ji 500’î derbas dibe û nêzî 300 hezar kes di hilberîna çekên Ukraynayê de dixebitin.
Zelenskiy destnîşan kir, di nav saziyên pîşesaziya parastina Ukraynayê de ne tenê saziyên dewletê, di heman demê de gelek şîrketên taybet jî hene.
Îstîxbarata Ukrayna: Kremlîn yekîneyên fîloya pasifîk a Rûsyayê dişîne Ukraynayê
Her wiha Moskow hêzên Fîloya Pasîfîk a Federasyona Rûsyayê dişîne herêma şer da ku telafiya windahiyên xwe bike û yekîneyên leşkerî ya nû xurt bike.
Di peyama ku ji aliyê Servîsa Îstîxbaratê ya Ukraynayê ve hat weşandin de wiha hat gotin:
“Yekîneyên leşkerî yên diyarkirî yên dewleta êrîşkar berê rasterast tevlî şerê li dijî Ukraynayê nebûne.
Li gorî biryara Fermandarê Fîloya Pasîfîk a Federasyona Rûsyayê Vîktor Liîna dewreyên ji bo Sûriyeyê bi temamî hatin rawestandin û hemû personel şandin herêma şer a li ser xaka Ûkraynayê.”
ISW: Nebûna pergalên parastina hewayî li Ukraynayê karê Rûsan hêsantir dike
Li aliyê din kêmasiya pergala parastina hewayî li Ukraynayê bûye sedem ku Rûsya êrişên hewayî zêde bikin.
Pisporên Enstîtuya Lêkolîna Şer-ISW dibêjin êrîşên Rûsî Kîev neçar kir ku biryarên dijwar bide di navbera parastina hewayî de ku deverên niştecihbûyî yên mezin li pişt eniyê vedihewîne û deverên çalak li eniya şer.
Her wiha ISW dibêje ku Rûsyayê ji sîwana parastina hewayî ya Ukraynayê ya ku hatiye xerakirin, ji bo têkbirina pergala enerjiyê ya Ukraynayê û bisînorkirina potansiyela pîşesaziya berevaniyê ya Ukraynayê sûdê wergirt.
