Li seranserî cîhanê karesatên xwezayî rû didin.
Li Efxanîstan û Tanzayeyê lehî rabû di encamê de li Efxanîstanê 33 kes mirin û 27 kes jî birîndar bûn.
Li Tanzanyayê jî ji ber baran û lêhiyêê 58 kes mirin.
Her wiha li Endonezayayê jî şemîtina axê rû da û di encamê de herî kêm 18 kes mirin.
Li Afganîstanê di 3 rojên dawîn de ji ber barana demsalî ya ku ji ber barana demsalî rabû, di lehiyê de herî kêm 33 kesan jiyana xwe ji dest dan û 27 kes jî birîndar bûn.
Berdevkê wezareta hikumetê Abdullah Canan Saik ragihand ku li paytext Kabîlê û her wiha bajarên Farah û Herat ên rojava, parêzgehên Zabul û Kandahar ên li başûrê welêt lehî rabûne.
Berdevk da zanîn ku zêdetirî 600 xanî xera bûne û wêran bûne û derdora 200 heywan jî mirine.
Her wiha Saik diyar kir ku ji ber lehiyê nêzî 800 hektar zeviyên çandiniyê û 85 kîlometre rê zirar dîtine.
Li Tanzanyayê ji ber baran û lêhiyê 58 kes mirin
Her wiha li Tanzanyayê ji destpêka mehê ve bi taybetî barana zêde li herêmên peravî bû sedema lehiyê.
Li bakurê welêt otobusek di bin avê de ma, 8 zarokên xwendekar jiyana xwe ji dest dan.
Hikumetê diyar kir ku di nava du hefteyan de 58 kesan jiyana xwe ji dest dane.
Li gorî daxuyaniya hikumeta Tanzanyayê lehiyê bandor li 10 hezar xanî û 75 hezar çîftlîkan kiriye.
Hema bibêje nîvê herêmên Tanzanyayê di alarmê de ye.
Li gorî Saziya Meterolojiyê ya Tanzanyayê baran wê heta dawiya mehê dewam bike.
Karesatên xwezayî li welatên Efrîqayê
Li Kenyayê ku cîranê vî welatî ye li gorî rapora 9’ê Nîsanê ji ber baranê û lehiyê herî kêm 13 kesan jiyana xwe ji dest dan, 15 hezar kes jî ji cih û warê xwe bûn.
Rewşeke bi heman rengî meha Kanûnê jî rû da.
Li Efrîkaya Bakur zêdeyî 300 kes ji ber şert û mercên nebaş ên hewayê jiyana xwe ji dest dan.
Tenê li Somalî zêdeyî milyonek mirov ji cih û warê xwe bûn.
Li Endonezayayê şemîtina axê: Herî kêm 18 kes mir
Li aliyê din baranên dijwar ên demsalî li Endonezyayê ku ji 17 hezar giravan pêk tê, gelek caran dibe sedema şimitîna axê û lehiyê.
Li Girava Sulawesi ya Endonezyaye ji ber şemîtîna axê 18 kes mirin.
Rayedaran ragihandin ku xebatên lêgerîn û xilaskirina 2 kesên winda didomin.
Li aliyê din rêveberiya herêmî ya Sulawesiya Başûr ragihand ku 2 kes li nexweşxaneyeke herêmê tên dermankirin lê rewşa wan ‘krîtîk’ e.
Hat destnîşankirin ku ji ber barana zêde hezaz çêbû û tesîra xwe li 2 gundên li herêma Tana Toraja ya li Sûlava Başûr kir û hin xanî hilweşiyan.
Li Girava Sumatra ya Endonezyayê meha borî di lehî û şimitîna axê de herî kêm 26 kesan jiyana xwe ji dest dan û ji ber barana zêde bi sedan xanî hilweşiyan û bi hezaran kes jî koçber bûn.
