Êrîşên Îranê ya li dijî Îsraîlê ji roja êrîşê ve tê nîqaşkirin û ji gelek welatan daxuyanî tê dayîn.
Bi taybetî ji hêla Amerîkayê ve ji bo bidawîbûna rageşiyê hem Îsraîl û hem jî Îranê tê hişyarkirin.
Amerîka dibêje emê piştgiriya Îsraîlê bikin lê belê divê Îsraîlê bersiva dijber ên êrîşê nede.
Her wiha Neteweyên Yekbûyî, Yekîtiya Ewropayê banga aramî û ewlehiya Rojhilata Navîn kirin.
Êrîşên Îranê ya li dijî Îsraîlê li seranserî cîhanê deng veda.
Amerîkayê ku piştgiriyê xwe Îsraîlê re anî ziman derbarê vê êrîşê de daxuyanî da.
Li gor daxuyaniya Qesra Spî hat destnîşankirin ku Amerîka naxwaze li Rojhilata Navîn rageşî mezin bibe.
Dîrektora Ragihandina Stratejîk a Konseya Ewlekariya Netewî ya Amerîkayê John Kirby li ser mijarê axivî.
John Kirby diyar kir ku ew naxwazin bi Îranê re bikevin şerekî berfireh û anî ziman ku Amerîka gefên Îranê ya li dijî leşkerên Amerîkî hişyar in.
Endamê Kabîneya Şer a Îsraîlê Benny Gantz jî gef li Îranê xwar û bilêv kir ku Îranê bedela êrîşên xwe yê li dijî Îsraîlê bide.
Her wiha Serokê Amerîkayê Joe Biden daxwaz ji Serokwezîrê Îsraîlê Binyamîn Netanyahû kir da ku bersiva Îranê nedin.
Hat ragihandin ku heger Îsraîl bersiva êrîşan bide dê ji hêla Waşîngtonê ve piştgirî ji Îsraîlê re neyê dayîn.
Li gorî rayedarekî Amerîkayê, Wezîrê Parastinê Lloyd Austin daxwaz ji hempîşeyê xwe yê Îsraîlî Yoav Gallant kiriye, ku Washingtonê derbarê her bersiveke muxtemel li hember êrîşa Îranê agahdar bike.
Bertekên welatên cîhanê ya li dijî êrîşa Îranê
Li aliyê din li seranserî cîhanê êrîşa Îranê ya li dijî Îsraîlê hat şermezar kirin.
Serokê Lijneya Giştî ya Neteweyên Yekbûyî (NY) Dennis Francis têkildarî êrîşa hewayî ya Îranê ya li dijî Îsraîlê banga barldariyê hemû aliyan kir û hişyarî da ku divê bûyer veneguhere şerekî herêmî.
Francis di daxuyaniya xwe ya nivîskî ya derbarê êrîşa hewayî ya Îranê ya li ser Îsraîlê da diyar kir ku rewşa jixwe hessas a li Rojhilata Navîn bi bûyerên dawî re hê zehmettir bûye.
Guterres: Divê li heremê demildest êrîş rawestin
Sekreterê Giştî yê Neteweyên Yekbûyî Antonio Guterres êrîşên hewayî yên Îranê yên li dijî Îsraîlê şermezar kir û banga rawestandina demildest êrîşên li herêmê û aramî ji bo hemû aliyan kir.
Guterres di daxuyaniya xwe ya nivîskî de wiha got:
“Ez rageşiya cidî ya ku ji ber êrîşa berfireh a Komara Îslamî ya Îranê li dijî Îsraîlê derketiye bi tundî şermezar dikim.”
Borell: Ev rageşî xeteriyeke cidî ya li ser ewlehiya heremê ye
Nûnerê Bilind ê Polîtîkayên Derve û Ewlekariyê yê Yekîtiya Ewropayê Josep Borrell diyar kir ku Yekîtiya Ewropayê êrîşên Îranê yên li dijî Îsraîlê bi tundî şermezar dike.
Borrell di nivîsa xwe ya li ser platforma medyaya civakî X’ê de got:
Ev rageşiyeke nedîtî ye, xeteriyeke cidî ye li ser ewlehiya herêmê.”
Von Der Leyen: divê aliyan ji bo vegerandina aramiyê li heremê bixebitin
Her wiha seroka Komîsyona Yekîtiya Ewropayê Ursula Von Der Leyen jî got,
“Ez êrîşa eşkere û nehiqûqî ya Îranê ya li dijî Îsraîlê bi tundî şermezar dikim.
Ez bang li Îran û alîgirên wê dikim ku demildest dawî li van êrîşan bînin.
Divê hemû aktor êdî xwe ji zêdebûna aloziyan dûr bixin û ji bo vegerandina aramiyê li herêmê bixebitin.”
Amerîka ji bo kêmkirina Ragêşiya Îsraîl û Îranê hevdîtinan pêk tîne
